పేదింటి అమ్మాయిగా బాహుబలి సరసన పూజా

Posted: 12/26/2018 05:25 PM IST

Pooja hedge to join with prabhas in radha krishna direction

బాహుబలి చిత్రాలతో జాతీయస్థాయిలో మంచి గుర్తింపు తెచ్చుకున్న ప్రభాస్ తన తదుపరి చిత్రం 'సాహో' కోసం శ్రమిస్తున్న విషయం తెలిసిందే. ఈ చిత్రం 2019 స్వాతంత్ర్య దినోత్సవాన్ని పురస్కరించుకుని విడుదల కానుంది. కాగా, ఆ తరువాత మాత్రం ప్రభాస్ ఇంతలా గ్యాప్ తీసుకోకుండా సాహో తరువాత మరో ఐదు మాసాల్లోనే మరో చిత్రాన్ని తన అభిమానులకు అందించనున్నాడు.

'జిల్' ఫేమ్ రాధాకృష్ణ ఈ చిత్రానికి దర్శకత్వం వహిస్తున్నాడు. ఇటీవలే ఈ సినిమా ఒక షెడ్యూల్ షూటింగును కూడా పూర్తిచేసుకుంది. ఈ సినిమా 1960 కాలంనాటి ప్రేమకథగా రూపొందుతుందనీ, శ్రీమంతుడి పాత్రలో ప్రభాస్ కనిపించనున్నాడనే వార్త ఇటీవలే బయటికి వచ్చింది. ఇక అలనాటి ప్రేమకథలో ప్రభాస్ ప్రియురాలిగా పూజా హెగ్డే నటించనుంది. ఈ చిత్రంలో పూజా పేదింటి అమ్మాయిగా కనిపించనుందనేది తాజా సమాచారం.

ఈ పేదింటి అమ్మాయి ప్రేమలో అంతటి శ్రీమంతుడు ఎలా పడతాడు? అందుకు దారితీసిన పరిస్థితులు ఏమిటి? అనేది చాలా ఆసక్తికరంగా ఉంటుందట. అనూహ్యమైన మలుపులతో కొనసాగుతూ ఈ కథ కట్టి పడేస్తుందని అంటున్నారు. యూత్ .. మాస్ తో పాటు ఫ్యామిలీ ఆడియన్స్ కి నచ్చే అంశాలతో ఈ సినిమా నిర్మితమవుతోంది. యాక్షన్ తో కూడిన ఈ ప్రేమకథను తెలుగుతో పాటు తమిళ .. మలయాళ భాషల్లో విడుదల చేయనున్నట్టు తెలుస్తోంది.