బాక్సాఫీసు కలెక్షన్ల రికార్డులను తిరగరాస్తున్న మెగా ‘ఖైదీ’

Posted: 01/29/2017 03:53 PM IST

రమారమి దశాబ్ద కాలం తరువాత మరోమారు టాలీవుడ్ లోకి రీ ఎంట్రీ ఇచ్చిన మెగాస్టార్ చిరంజీవి తన తాజా చిత్రం ఖైదీ నంబర్ 150తో బాక్సాఫీసు వద్ద రికార్డులను తిరగరాసుకుంటున్నాడు. సంక్రాంతి పర్వదినాన్ని పురస్కరించుకుని విడుదల ఈ చిత్రం అతికొద్ది రోజుల్లోనే టాలీవుడ్ లో రికార్డ్లను క్రియేట్ చేసింది. సామాజిక ఇతివృత్తంతో తెరకెక్కిన ఈ చిత్రం ప్రేక్షకులను ఎంతగానో అలరించింది. అందుకనే పట్టుమని పద్దెనిమిది రోజులు కూడా నిండకుండానే ఈ చిత్రం అత్యంత వేగంగా 100 కోట్ల క్లబ్ లోకి చేరిపోయింది.

ప్రపంచవ్యాప్తంగా ఇప్పటికే ఈ చిత్రం 150 కోట్ల రూపాయల గ్రాస్ అదాయాన్ని సమకూర్చుకుంది. టాలీవుడ్ రారాజుగా ముద్రవేసుకున్న చిరంజీవి తన రీ ఎంట్రీతో మరోమారు బాక్సాఫీస్ మీద తన ఆధిపత్యాన్ని కొనసాగిస్తున్నాడు. ఈ జనరేషన్ హీరోలు ఎన్నో రోజులుగా ఎదురుచూస్తున్న భారీ కలెక్షన్ రికార్డ్లను సైతం మెగాస్టార్ ఈజీగా అందుకున్నాడు.

సౌత్లో వందకోట్ల సినిమాలు గతంలోనూ ఉన్నా.., చిరంజీవి ఓ అరుదైన ఘనతను సొంతం చేసుకున్నాడు. ఇప్పటి వరకు సౌత్లో వందకోట్ల కలెక్షన్లు సాధించిన సినిమాలు ఉన్నా, అవన్ని రెండు, మూడు భాషల్లో ఒకేసారి రిలీజ్ అయి ఆ రికార్డ్ను సాధించాయి.. కానీ కేవలం ఒక్క భాషలోనే రిలీజ్ అయి వందకోట్ల క్లబ్లో చేరిన సినిమాలు మాత్రం చాలా అరుదు అలాంటి అరుదైన రికార్డ్ను తన ఖాతాలో వేసుకున్నాడు మెగాస్టార్.