నటిగా షామిలి రాణిస్తుందా..? కోలీవుడ్ గుసగుసలు

Posted: 12/25/2015 08:22 PM IST

Will shamili suceed in kollywood as actress

నటి షామిలీ కథానాయికగా రాణిస్తుందా? ప్రస్తుతం కోలీవుడ్‌లో ఇదో చర్చగా మారింది. లిటిల్ స్టార్ షామిలి సాధించిన పేరు ప్రఖ్యాతలు అద్భుతం. ఈ విషయంలో మరో మాటకు తావు లేదు. రెండేళ్ల పసి వయసులోనే అంజలి చిత్రంలో మానసిక రుగ్మతలో బాధ పడే చిన్నారిగా అద్భుతమైన హావభావాలను కనబరచి సినీ పండితులను సైతం అబ్బుర పరచారు. ఆ వయసులోనే జాతీయ అవార్డును గెలుచుకుంది.

అదంతా ఒక చరిత్రే అయితే నాయకిగా కొంత కాలం క్రితం టాలీవుడ్‌లో ఎంట్రీ ఇచ్చి ఓయ్ అంటూ అక్కడి ప్రేక్షకుల్ని పలకరించిన షామిలి ఆ తరువాత పై చదువులకు అమెరికా వెళ్లారు. మళ్లీ ఇప్పుడు 28 ఏళ్ల వయసులో కోలీవుడ్‌లో కథానాయకిగా పరిచయం అవుతున్నారు. విక్రమ్‌ప్రభు సరసన వీరశివాజీ చిత్రంలోనూ, ధనుష్‌కు జంటగా కొడి చిత్రంలోనూ నటిస్తున్నారు. ఈ చిత్రాల విడుదల తరువాతే షామిలికి కోలీవుడ్ ఏ స్థాయిని అందిస్తుందో తెలుస్తుంది. అయితే హీరోయిన్‌గా ఆలస్యంగా ఎంట్రీ అయిన షామిలి ప్రస్తుత కథానాయికలకు ఏ పాటి పోటీ ఇస్తారన్నదే చర్చనీయంగా మారింది.

జి. మనోహర్