షారుఖ్ ఖాన్ కు అందివచ్చిన జాక్ పాట్..

Posted: 12/25/2015 08:20 PM IST

దిల్ వాలే చిత్రం బాక్సిఫీసు వద్ద అశించినంత స్థాయిలో రాకపోవడంతో చిత్రం కలెక్షన్స్ కూడా సన్నగిల్లిన తరుణంలో బాలీవుడ్ బాద్ షాకు మరో జాక్ పాట్ అందింవచ్చింది. రిలయన్స్ ఇండస్ట్రీస్ అధినేత ముకేశ్ అంబానీ టెలికం వెంచర్ రిలయన్స్ జియో బ్రాండ్ అంబాసిడర్‌గా బాలీవుడ్ షారూక్ ఖాన్ వ్యవహరించనున్నారు. రిలయన్స్ జియో తన 4జీ సేవలను (కేవలం రిలయన్స్ ఇండస్ట్రీస్ ఉద్యోగుల కోసం) ఈ నెల 27న ప్రారంభించనున్నది.

కమర్షియల్ 4జీ సేవలను వచ్చే ఏడాది మార్చి-ఏప్రిల్ నుంచి వినియోగదారులకు అందుబాటులోకి తీసుకువచ్చే అవకాశముంది. రిలయన్స్ జియో బ్రాండ్ అంబాసిడర్‌గా వ్యవహరించనున్నానని షారూక్ ఖాన్ ఒక టీవీ ఇంటర్వ్యూలో తెలిపారు. డిసెంబర్ 27న జరగనున్న రిలయన్స్ జియో 4జీ  ప్రారంభోత్సవ కార్యక్రమానికి షారూక్ ఖాన్, మ్యూజిక్ డెరైక్టర్ ఏఆర్ రెహమాన్ ముఖ్య అతిధులుగా హాజరు కానున్నారు

జి. మనోహర్