కరోనా వైరస్ మహమ్మారితో జంతుజాలానికి, పర్యావరణానికి మేలు జరుగుతుందన్న వార్తలు వినిపిస్తున్న తరుణంలో మానవాళి మనుగడకు మాత్రం సవాల్ లా పరిణమించింది. అయితే ఈ మహమ్మారి విస్తరిస్తూ, వివిధ దేశాల ఆర్థిక వ్యవస్థలు కనీవినీ ఎరుగని సంక్షోభాన్ని ఎదుర్కొంటున్నందున, సురక్షిత పెట్టుబడి సాధనం అయిన బంగారంపైకి పెట్టుబడులు గణనీయంగా వస్తున్నాయని, భవిష్యత్తులో ధర గణనీయంగా పెరగవచ్చని బీఓఎఫ్ఏ (బ్యాంక్ ఆఫ్ అమెరికా) సెక్యూరిటీస్ విశ్లేషించింది.
రానున్న 18 నెలల వ్యవధిలో ఔన్సు బంగారం (31.10 గ్రాములు) ధర 3,000 డాలర్లకు చేరొవచ్చునని అంచాన వేసింది. కొవిడ్-19 వల్ల మదుపరుల్లో నష్ట భయం పెరిగిపోయింది. అందువల్ల పసిడికి అనూహ్య గిరాకీ ఏర్పడే అవకాశం ఉంది, కాబట్టి ఔన్సు బంగారం ధర 3,000 డాలర్లకు పెరగొచ్చునని విశ్లేషించింది. ప్రస్తుతం అంతర్జాతీయ మార్కెట్లో ఔన్సు బంగారం ధర 1710 డాలర్లు పలుకుతోంది. ఇంతకు ముందు ఇదే సంస్థ వచ్చే ఏడాదిన్నర కాలానికి ఔన్సు బంగారం ధర 2,000 డాలర్లకు పెరగవచ్చని అంచనా వేసింది. ఇప్పుడు దాన్ని సవరించింది.
ప్రస్తుతం డాలర్ మారకపు విలువ రూ.76పైన ఉంది. బీఓఎఫ్ఏ అంచనాలకు అనుగుణంగా పసిడి విలువ పెరిగినపుడు, ప్రస్తుత డాలర్ విలువ ప్రకారం లెక్కిస్తే... 10 గ్రాముల బంగారం ధర దాదాపు రూ.73,000 చేరుకుంటుందని అంచనా. ప్రస్తుత సంక్షోభ పరిస్థితులను పరిగణనలోకి తీసుకుంటే బంగారానికి ఎన్నడూ లేనంత గిరాకీ రాబోతోందని స్పష్టమవుతోంది. వాస్తవానికి బంగారం ధర ఎంతగా పెరిగితే, అంతగా ఆభరణాలు కొనుగోలు చేసే వారు తగ్గిపోతున్నారని ఆభరణాల విక్రయదార్లు పేర్కొంటున్నారు. పైగా ఏదైనా కేంద్రబ్యాంక్ కనుక బంగారాన్ని విక్రయానికి పెడితే, ధర మళ్లీ బాగా తగ్గడం ఖాయమే.
(And get your daily news straight to your inbox)
Dec 30 | ప్రస్తుత సంవత్సరం 2020 నెటిజనుల విమర్శలు, వ్యంగోక్తుల తరహాలోనే నిజంగా ఈ ఏడాదికే వైరస్ సోకిందా.? అంటే కాదనక తప్పదు. కరోనా వైరస్ సోకిన ఈ ఏడాది వస్తూనే యావత్ ప్రపంచ వాణిజ్యాన్ని లాక్... Read more
Dec 09 | కేఫ్ కాఫీ డే దేశవ్యాప్తంగా పలువురు కాఫీ ప్రియులను అలరించే ఓ పెద్ద బ్రాండ్. ఈ సంస్థ ఎవరిది.. ఎవరు ప్రారంభించారు.. అన్న వివరాలు గత ఏడాది వరకు ఎవరికీ తెలియదు. అయితే గత... Read more
Sep 25 | అంతర్జాతీయంగా బంగారం ధరల పతనం కొనసాగుతోంది. అటు క్రూడ్ అయిల్ తో పాటు ఇటు డాలర్ బలాన్ని పుంజుకోవడంతో క్రమంగా గత కొన్నాళ్లుగా బంగారంపై పెట్టుబడులు పెట్టిన మదుపరులు అమ్మకాలకు మొగ్గచూపుతున్న కారణంగా అంతర్జాతీయంగా... Read more
Aug 22 | దేశీయ విపణిలోకి మరో విద్యుత్ ద్విచక్రవాహనం వచ్చింది. పుణెకు చెందిన స్టార్టప్ కంపెనీ టెక్నో ఎలెక్ట్రా మోటార్స్ ఎలక్ట్రిక్ ద్విచక్రవాహనాన్ని మార్కెట్లోకి లాంచ్ చేసింది, ఈ సరికొత్త ఇ-మోపెడ్ ‘సాథీ’ని దేశీయ విపణిలోకి తీసుకువచ్చింది.... Read more
Jul 15 | రిలయన్స్ ఇండస్ట్రీస్ సరికొత్త టెక్నాలజీలను తీసుకొస్తున్నట్టు ఇవాళ ప్రకటించింది. జియో ప్లాట్ ఫామ్స్ లో భాగంగా జియో గ్లాస్, జియో టీవీ ప్లస్, జియో మార్ట్ లను తీసుకొస్తున్నట్టు రిలయన్స్ సంస్థల అధినేత ముఖేష్... Read more