పో్కో నుంచి ఎక్స్ 2 గేమింగ్ ఫోన్.. ఫిబ్రవరి 11 నుంచి అందుబాటులో..

Posted: 02/04/2020 08:50 PM IST

షావోమి నుంచి విడిపోయిన పోకో తన మొట్టమొదటి స్మార్ట్ ఫోన్ ను భారత మార్కెట్లో లాంచ్‌ చేసింది. వేగవంతమైన ప్రాసెసర్ తో ఆకట్టుకున్న పోకో ఎక్స్‌ 1 తరువాత, ఈ సిరీస్లో రెండవ స్మార్ట్ ఫోన్ ను పోకో ఎక్స్‌ 2 పేరుతో తీసుకొచ్చింది. 6 జీబీ ర్యామ్, 64 జీబీ స్టోరేజ్ ఉన్న పోకో ఎక్స్ 2  బేస్ వేరియంట్ రూ రూ.15,999 గా ఉంచింది. అలాగే ఎయిర్ టెల్ లేదా జియో నెట్ వర్క్ లో వై ఫై కాలింగ్‌ సదుపాయాన్ని కూడా  ఈ స్మార్ట్ ఫోన్ లో అందిస్తోంది. పోకో ఎక్స్ 2 అట్లాంటిక్ బ్లూ, మ్యాట్రిక్స్ పర్పుల్ ,  ఫీనిక్స్ రెడ్ అనే మూడు వేరియంట్లలో లభిస్తుంది.

పోకో ఎక్స్ 2 ఫీచర్లు:-
6.67 అంగుళాల డిస్‌ప్లే
క్వాల్కమ్ స్నాప్ డ్రాగన్ 730జీ ప్రాసెసర్‌
1080x2380  పిక్సెల్స్‌ రిజల్యూషన్‌
ఆండ్రాయిడ్‌ 10
64+8+2+2  ఎంపీ రియర్‌ ఎమెరా
20 +2 ఎంపీ ఎంపీ సెల్ఫీ కెమెరా
4500 ఎంఏహెచ్‌బ్యాటరీ
120 హెర్ట్జ్‌ రిఫ్రెష్‌ రేట్‌తో డిస్‌ప్లే, క్విడ్‌ కూలింగ్‌, యుఎస్‌బి టైప్‌-సి పోర్ట్‌, 3.5 ఎంఎం ఆడియో జాక్‌, 27 వాట్స్‌ ఫాస్ట్‌ చార్జింగ్‌, 960 ఎఫ్‌పీఎస్‌లో  స్లో-మోషన్ వీడియోలను రికార్డింగ్‌ ఇతర ప్రధానపీచర్లుగా ఉన్నాయి.

ధరలు :
6 జీబీ ర్యామ్,  64 జీబీ స్టోరేజ్ రూ .15,999
6 జీబీ ర్యామ్, 128 జీబీ స్టోరేజ్ రూ .16,999
8 జీబీ ర్యామ్, 256 జీబీ స్టోరేజ్ టాప్ ఎండ్ వేరియంట్ రూ .19,999

పోకో ఎక్స్ 2 ఫిబ్రవరి 11 మధ్యాహ్నం 12 నుండి ఫ్లిప్‌కార్ట్‌లో మాత్రమే కొనుగోలు చేయడానికి అందుబాటులో ఉంటుంది. అలాగే ఐసీఐసీఐ బ్యాంక్ డెబిట్ క్రెడిట్ కార్డ్  కొనుగోలుపై అదనంగా రూ .1000 మినహాయింపు పొందవచ్చు.