నాలుగోస్సారి.. రెండు నిమిషాల్లోనే హానర్ 9 లైట్ నో స్టాక్..

Posted: 01/30/2018 05:05 PM IST

Honor 9 lite sold out in 120 seconds in the 4th flash sale

ఒకటి కాదు రెండు కాదు ఏకంగా నాలుగోసారి కూడా స్మార్ట్ ఫోన్ అభిమానుల అదరణను చూరగోని కేవలం 120 సెకన్లలో ఔట్ అప్ స్టాక్ గా మారిన స్మార్ట్ ఫోన్ ఏదైనా వుందా అంటే.. అది ఆనర్ 9 లైట్ అని చెప్పకతప్పదు. ఇశాళ నాలుగో పర్యాయం మధ్యాహ్నం సరిగ్గా 12 గంటలకు ప్రారంభమైన అమ్మకాలు కేవలం రెండు నిమిషాలలోనే ఔట్ అప్ స్టాక్ బోర్డు దర్శనమివ్వాల్సిన పరిస్థితులు ఉత్పన్నమయ్యాయి, సరిగ్గా షియోమి రెడ్ ఎంఐ ఫోన్ తరహాలోనే ఈ ఫోన్ కూడా తమ ఫ్లాష్ సేల్ ద్వారా తన ఉత్పత్తుల సంఖ్యను గణనీయంగా పెంచుకుంటుంది.

ఆన‌ర్ 9 లైట్ స్మార్ట్ ఫోన్‌కి వినియోగదారుల నుంచి మంచి ఆద‌ర‌ణ ల‌భిస్తోంది. బడ్జెట్ ధ‌ర‌లో మంచి ఫీచ‌ర్లు ఉన్న ఈ స్మార్ట్ ఫోన్ ఫ్లాష్ సేల్ ఇవాళ 12 గం.ల‌కు ఆన్ లైన్ మార్కెట్ దిగ్గ‌జం ఫ్లిప్ కార్ట్ లో ప్రారంభ‌మైంది. ప్రారంభ‌మైన రెండు నిమిషాల్లోనే ఆన‌ర్ 9 లైట్ ఔట్ ఆఫ్ స్టాక్ అయిపోయింది. ఆనర్ 9 లైట్ స్మార్ట్ ఫోన్ కు ఫ్లాష్‌సేల్ నిర్వ‌హించ‌డం ఇది నాలుగోసారి. అయిన‌ప్ప‌టికీ ఇంత ఆద‌ర‌ణ ల‌భించడం ఆనందంగా ఉంద‌ని హువాయి వినియోగ‌దారుల బిజినెస్ హెడ్ సంజీవ్ అన్నారు.

ఇప్ప‌టివ‌రకు జ‌రిగిన ఫ్లాష్ సేల్ ల‌లో ఇదే అత్యంత వేగంగా జరిగింద‌ని ఫ్లిప్ కార్ట్ వెల్ల‌డించింది. మొద‌టి ఫ్లాష్ సేల్‌ 6 నిమిషాల్లో, రెండో ఫ్లాష్ సేల్ 3 నిమిషాల్లో పూర్తయింద‌ని తెలిపింది. 3జీబీ, 4జీబీ వేరియంట్ల‌లో ఆండ్రాయిడ్ ఓరియో ఆప‌రేటింగ్ సిస్టం, 3000 ఎంఎహెచ్ బ్యాట‌రీ సామ‌ర్థ్యం, 5.65 ఇంచుల తెర‌, హువాయి హైసిలికాన్ కిరిన్ 659 ప్రాసెస‌ర్ ఇందులో ఉన్నాయి. దీని ధ‌ర రూ. 10,999. కాగా, 64 జీబి ఇంటర్నల్ స్టోరేజీ స్మార్ ఫోన్ ధర 14 వేల 999 రూపాయలు.