భారతీయ విఫణిలోకి నోకియా 2.. బడ్జెట్ ధరలో స్మార్ట్ ఫోన్

Posted: 11/24/2017 02:12 PM IST

నోకియా బ్రాండ్‌లో బడ్జెట్‌ స్మార్ట్‌ఫోన్‌ ‘నోకియా 2’ భారత మార్కెట్లోకి వచ్చేసింది. శుక్రవారం నుంచి దేశవ్యాప్తంగా అన్ని రిటైల్‌ మొబైల్‌ దుకాణాల్లో ఈ ఫోన్‌ అమ్మకాలు ప్రారంభమయ్యాయి. అక్టోబర్‌ నెలాఖరులో నోకియా 2ను అంతర్జాతీయంగా విడుదల చేసిన విషయం తెలిసిందే. ప్రపంచవ్యాప్తంగా దీని ధర 99 యూరోలు ఉండగా.. భారత్‌లో రూ.6,999గా నిర్ణయించారు.

హెచ్‌ఎండీ గ్లోబల్‌ నుంచి వచ్చిన నోకియా ఫోన్లలో అత్యంత చౌకైనది ఇదే కావడం విశేషం. అంతేగాక 4100 ఎంఏహెచ్‌ సామర్థ్యం గల ఈ ఫోన్‌ రెండు రోజుల బ్యాటరీ బ్యాకప్‌ ఇస్తుంది. పీటర్‌ బ్లాక్‌, పీటర్‌ వైట్‌, కాపర్‌ బ్లాక్‌ రంగుల్లో ఈ ఫోన్‌ వినియోగదారులకు అందుబాటులో ఉంది.

నోకియా 2 స్పెసిఫికేషన్లు:-

* 5 అంగుళాల డిస్‌ప్లే
* ఆండ్రాయిడ్‌ నోగట్‌ ఆపరేటింగ్‌ సిస్టమ్‌
* 1జీబీ ర్యామ్‌
* 8జీబీ ఇంటర్నల్‌ మెమొరీ
* 8 మెగాపిక్సెల్‌ వెనుక కెమెరా
* 5 మెగాపిక్సెల్‌ ముందు కెమెరా
* 4100 ఎంఏహెచ్‌ బ్యాటరీ సామర్థ్యం