విదేశీయానం చేసేవారికి ఎయిర్ ఎసియా బంఫర్ ఆఫర్

Posted: 06/23/2015 08:08 PM IST

Air asia india offers malaysia ticket below rs 3000

ఎప్పుడైనా విమానయానం చేశారా..? ఎప్పుడైనా విదేశాలకు వెళ్లారా..? ఎప్పుడు వినడమే తప్ప వెళ్లడమా అంటూ నిట్టూర్చుతున్నారా..? విదేశాలకు టూర్ వీసాపై వెళ్లి వచ్చేందుకు వేలు ఖర్చు అవుతాయ్.. అంటారా..? విమాన టిక్కెటు ధరను చూసి జంకుతున్నారా.? ఇక మీరు అలా చింతించాల్సిన అవసరం లేదు. ఎందుకంటే.. ప్రయాణికులకు చవకధర విమానయాన్ని అందిస్తున్న ఎయిర్ ఏసియా విమానయాన సంస్థ మీకు మంచి ఆఫర్ ను ప్రకటించింది. అయితే ఎక్కడికి వెళ్లామన్నాది ముఖ్యం కాదు.. వెళ్లామా లేదా అన్నదే ముఖ్యమని భావించే వారికి మాత్రం ఇది మంచి ఆపర్.

ఇప్పటికే దేశీయంగా పలు మార్గాల్లో చవకధరకు విమానయానాన్ని అందించిన ఎయిర్ ఏసియా.. మరో బంఫర్ ఆఫర్ ను ప్రయాణికులకు అందించింది. మరోలా చెప్పాలంటే.. రైలు చార్జీల కన్నా తక్కువ ధరలో టిక్కెట్ ను అందించిన విమానయాన సంస్థ కేవలం మూడు వేల రూపాయలకే విదేశీ ప్రయాణాన్ని ప్రయాణికులకు అందుబాటులోకి తీసుకువచ్చింది. మలేసియాకు వెళ్లి వీక్షించే ప్రయాణికుల కోసం ఈ ఆపర్ ను అందుబాటులోకి తీసుకువచ్చింది. ఈ నెల 28 లోగా టిక్కెట్లు బుక్ చేసుకునే వారు.. ఫిబ్రవరి 15 నుంచి ఆగస్టు 31 లోగా చేసే పరయాణాలకు ఈ ఆఫర్ వర్తించనుంది.

ఈ ఆపర్ లో భాగంగా 30 లక్షల మందికి వర్తించే విధంగా ఆ మేరకు టిక్కెట్లను రిజర్వు చేసి అమ్మకానికి వుంచింది. కొచ్చి నుంచి కౌలాలంపూర్ రూ. 2999లకే టికెట్ లభిస్తుంది. అలాగే కోచ్చి నుంచి హాంకాంగ్, పెనాంగ్, సింగపూర్ ప్రాంతాలకు 4019, కోచ్చి నుంచి మెల్ బోర్న్, ఫెర్త్ సిడ్నీ లాంటి అస్ట్రేలియా నగరాలకు మాత్రం టికెట్ ధరను రూ.5.739 నిర్ణయించారు. వివిధ భారతీయ నగరాల నుంచి అంతార్జతీయ నగరాలకు కూడా ప్రత్యేక ఆపర్లు ప్రకటిస్తోంది.

జి. మనోహర్