ఎనిమిది రోజుల లాభాలకు బ్రేకులు.. నష్టాల్లో దేశీయ సూచీలు

Posted: 02/20/2015 07:50 PM IST

ఎనిమిది రోజులు వరస లాభాలకు బ్రేకులు పడ్డాయి. కేంద్ర ప్రభుత్వ అధీనంలోని పెట్రోలియం శాఖలో అగంతకులు పలు కీలక పత్రాలను లీక్ చేసిన ప్రభావం దేశీయ స్టాక్ మార్కెట్లపై తీవ్ర ప్రభావాన్ని చూపింది. పెట్రోలియం శాఖ పత్రాలు లీక్ తో రిలయన్స్ సంస్థ షేర్లు మూడు శాతం నష్టాన్ని చవిచూశాయి. సెన్సెక్స్ 231 పాయింట్ల, నిఫ్టీ 62 పాయింట్లను నష్టపోయాయి. మరోవైపు ఈ నెల 28న ప్రవేశపెట్టనున్న కేంద్ర బడ్జెట్ పై మదుపరులు భారీ అంచనాలను పెట్టుకున్నారు. కేంద్రంలోని మోడీ ప్రభుత్వం తొలిసారిగా పూర్తి స్థాయి బడ్జెట్ ను ప్రవేశపెట్టనుండటంతో అన్ని రంగాల్లో అభివృద్ది వేగం పుంజుకుంటుందన్న అంచానాలతో మదుపరులు తమ తాహత్తుకు మించి పెట్టుబడులు పెట్టారని వ్యాపారులు పేర్కోంటున్నారు.

దీని వల్లే గత ఏడు రోజుల్లో మునుపెన్నడూ లేనంతగా మార్కెట్లు 1235 పాయింట్ల లాభాలను ఆర్జించాయని, వారు చెబుతున్నారు. ఈ నేపథ్యంలో మార్కెట్లు కొంత స్థబ్దుగా వుంటాయని వారు చెబుతున్నారు. దీంతో ఇవాళ 23 సంస్థలకు చెందిన షేర్లు నష్టాలను చవిచశాయని, వారు అంచనా వేస్తున్నారు. ఇవాళ 231 పాయింట్లను నష్టపోయిన సెన్సెక్స్ 29 వేల 231 పాయింట్ల వద్ద స్థిరపడగా, నిష్టీ 62 పాయింట్లను కోల్పోయి 8 వేల 834 పాయింట్ల వద్ద ముగిసింది.

ఇక బిహెచ్ఇఎల్, ఐటీసీ లిమిటెడ్, డాక్టర్ రెడ్డీస్ ల్యాబ్స్, టాటా మోటార్, గెయిల్ సంస్థల షేర్లు లాభాలను ఆర్జించగా, రిలయన్స్ టాటా పవర్, ఐసిఐసిఐ బ్యాంక్, భారతీ ఎయిర్ టెల్, ఇన్పోసిస్, విప్రో, హెచ్ డీ ఎఫ్ సీ, మారుతి సుజుకీ సంస్థల షేర్లు అధికంగా నష్టాలను చవిచూశాయి.

జి మనోహర్