పవన్, ప్రభాస్ ఫ్యాన్స్ గొడవ వెనుకున్నది ఎవరు..?

Posted: 09/05/2015 01:49 PM IST

పశ్చిమగోదావరి జిల్లా భీమవరంలో గత మూడు రోజులగా ఫ్లెక్సీల గొడవ తారా స్థాయికి చేరింది. పోలీసులు రంగ ప్రవేశం చేసి అక్కడి పరిస్థితిని అదుపులోకి తీసుకువస్తున్నారు. పవన్ కళ్యాణ్ పుట్టిన రోజు సందర్భంగా ఏర్సాటు చేసిన ఫ్లెక్సీలను తొలగించడం వివాదానికి తెర తీసింది. అయితే మరో హీరో అభిమానులే తమ అభిమాన హీరో పవన్ కళ్యాణ్ ఫ్లెక్సీలను తొలగించారని పవన్ అభిమానులు, జనసేన కార్యకర్తలు ఆగ్రహం వ్యక్తం చేస్తున్నారు. అయితే ఈ ఉదయం పది మంది పవన్ కళ్యాణ్ అభిమానులను పోలీసులు అరెస్టు చేశారు. దాంతో వివాదం మరింత ముదిరింది. ఫ్లెక్సీలను తొలగించిన వారిని కాకుండా.. తమ మీద కేసులు పెట్టడం ఏంటని పవన్ అభిమానులు ఆగ్రహం వ్యక్తం చేస్తున్నారు. అయితే భీమవరంలో ఏం జరిగింది.? పవన్ కళ్యాణ్ ఫ్యాన్స్ కు, ప్రభాస్ ఫ్యాన్స్ కు గొడవ జరిగితే ఎవరికి లాభం..? నిజానికి భీమవరంలో ఏం జరిగింది..? ఇలా చాలా ప్రశ్నలకు సమాధానాలు లేవు.

బీమవరం ఘటన మీద అనుమానాలు.....
* భీమవరంలో పవన్ కళ్యాణ్ ఫెక్సీలను తొలగించాల్సిన అవసరం ఎవరికి ఉంది..? ఫ్లెక్సీలను తొలగిస్తే వారికి వచ్చే లాభం ఏంటి..?
* ప్రభాస్ ఫ్యాన్సే ఫ్లెక్సీలను తొలగించారని ఎవరు అందించారు..? ప్రభాస్ ఫ్యాన్స్ కు, పవన్ ఫ్యాన్స్ కు తగాదా రాజేస్తే లాభపడే మూడో పార్టీ ఎవరు..?
* మీడియాలో పవన్ ఫ్యాన్స్ అరెస్ట్... పవన్ కళ్యాణ్ అభిమానుల ఆగ్రహం.. అంటూ ఎందుకు వార్తలు వస్తున్నాయి..?
* పవన్ కళ్యాణ్ మీద బురదజల్లే ప్రయత్నం చేస్తున్న మీడియా అసలు లక్ష్యం ఏంటి..?
* ఎలాంటి రాజకీయ లాభం లేకుండా ఇలాంటి వివాదానికి తావు తీశారా..?
* పవన్ కళ్యాణ్ లాంటి గ్రేట్ పర్సనాలిటీ మీద బురద జల్లుదామని అనుకున్నా.. అదే బురదలో కలువలా మారతారని వారికి తెలియదా..?
* పోలీసులు పవన్ కళ్యాణ్ అబిమానులనే ఎందుకు అరెస్టు చేశారు..?
* ఘటన జరిగి మూడు రోజులు గడిచిన తర్వాత తీరిగ్గా పోలీసులు పవన్ కళ్యాన్ అభిమానుల మీదే ఎందుకు కేసులు పెట్టారు..?

//అభినవచారి//