భాస్కర శతకము

Posted: 04/07/2014 12:10 PM IST

అవని విభుండు నేరుపరియై చరియించినఁ గొల్చువార లె

ట్లవగుణు లైననేమి? పను లన్నియుఁ జేకుఱు వారిచేతనే, 

ప్రవిమల నీతిశాలి యగు రామునికార్యము మర్కటంబులే

తవిలి యొనర్పవే జలధిఁదాఁటి సురారులఁద్రుంచి భాస్కరా!

టీకా : అవని విభుండు = రాజు ; నేరిపరియై = చాతుర్యం గలవాడు ; చరియంచినన్ = వ్యవహరించడం ; కొల్చువారలు = సైనికులు ; ఎట్లు = ఏ విధమైనా ; అవగుణులైనన్ ఏమి = తెలివిలేనివారైనా ఏమి ; వారి చేతనే = వారి వల్లే ; చేకుఱున్ = నెరవేరడం ; ప్రవిమల = శ్రేష్టమైన ; నీతిశాలియగు = రాజనీతి తెలిసినవాడు ; రామునికార్యం = లంకకు చేరి రావణుడిని వధించిన కార్యం ; మర్కటంబులే = తెలివిలేని కోతులే ; జలధిదాటి = సముద్రం దాటి ; సురారులన్ త్రుంచి = రాక్షసులను సంహరించడం ; తవిలి = (కార్యం)పూనుకోవడం ; ఒనర్పవే = నెరవేర్చడం లేదా?

తాత్పర్యము : అడవిలో ఎల్లపుడూ తిరిగే తెలివిలేని కోతులు ఏ విధంగా అయితే చక్కగా రాజనీతి గురించి అవగాహనం వున్న శ్రీరాముని అధీనంలో వుండి, సముద్రాన్ని దాటి, రాక్షసులందరిని సంహకరించి ఆయన కార్యమును నెరవేర్చారో... అదేవిధంగా సమర్థవుంతుడు - ఎంతో చాతుర్యం కలిగిన రాజు కింద పనిచేసే తెలివిలేని సేవకులు ఆయనను వ్యవరిస్తే చాలు.. ఎంతటి కార్యాన్నైనా నెరవేర్చగలుగుతారు.