భాస్కర శతకము

Posted: 04/14/2014 11:09 AM IST

ఈ జగమందు దా మనుజుఁ డెంత మహాత్మకుఁడైన దైవమా

తేజము తప్పఁ జూచునెడఁ ద్రిమ్మరి కోల్పడు; నెట్లన న్మహా

రాజకుమారుఁడైన రఘురాముఁడు గాల్నడఁగాయలాకులున్

భోజనమై తగ న్వనికిఁబోయి చరింపఁడె మున్ను భాస్కరా!

టీకా : ఈ జగమందున్ = ఈ లోకంలో ; ఎంత మహాత్మకుఁడు అయినన్ = ఎంతటి గొప్పదనం కలవాడయినా ; ఆ తేజమును = ఆ మహత్వం ; తప్పన్ చూచు + ఎడన్ = అనుగ్రహింపనిచో ; త్రిమ్మరి = నిత్యం తిరుగేవాడు ; కోల్పడున్ = శక్తివైభవాలు కోల్పోవడం ; మున్ను = పూర్వం ; మహారాజకుమారుడు ఐన = దశరథ మహారాజు కుమారుడు అయిన ; కాల్పడకన్ = కలినడకన ; కాయలాకులున్ = కుందమూలాలు ; భోజనమై = తినడం ; తగన్ = తగినట్లు ; వనికిపోయి = అరణ్య నివాసం చేసి ; చరింపడె = తిరుగాడలేదా అన్నట్టు

తాత్పర్యము : దశరథ మహారాజు కుమారుడైన శ్రీరాముడు దైవాన్ని తప్పుగా చూడడంతో అరణ్యానికి చేరుకుని అక్కడే ఆకులు, కాయలు తింటూ పాదచారిగా జీవనాన్ని గడిపాడు. అదే విధంగా ఎంతటి గొప్పవాడు అయినా దైవానుగ్రమం తప్పితే సర్వాన్ని కోల్పోక తప్పదు.