భాస్కర శతకము

Posted: 04/05/2014 11:31 AM IST

అలఘు గుణ ప్రసిద్ధుఁడగు నట్టి ఘనుఁడొకఁడిష్టుఁడై తనున్ 

వలచి యొకించు కేమిడిన వానికి మిక్కిలి మేలు చేయుఁగా, 

తెలిసి కుచేలుఁడొక్క కొణి దెండడుకుల్ దన కిచ్చినన్ మహా 

ఫలదుఁడు కృష్ణుఁ డత్యధిక భాగ్యము లాతని కీఁడై భాస్కరా!

టీకా : అలఘు = గొప్పవైన లక్షణాలు ; గుణప్రసిద్ధుడు = మంచి గుణాలతో నిండిన గొప్పవాడు ; నట్టి = అయిన ; ఘనుడు = మహనీయుడు ; ఒకఁడు = ఎవరైనా ఒకడు ; ఇష్టుఁడు + ఐ = కావలసినవాడు ; తమన్ = తనను ; వలచి = కాంక్షించి ; ఒకించుక = కొద్దిగా ; ఏమిడిన = ఏమి పెట్టినా ; వానికిన్ = ఇచ్చినవారికి ; మిక్కిలి = ఎక్కువగా ; ఒక్క కొణిదెండు = ఒక పిడికెడు ; తనకు = శ్రీకృష్ణునికి ; ఇచ్చినన్ = ఈయగా ; మహాఫలదుఁడు = గొప్ప ఫలాలను ఇచ్చువాడు ; భాగ్యములు = సంపదలు ; అతనికిన్ = ఆ కుచేలునికి ; ఈడె = ఇవ్వడం 

తాత్పర్యము : పూర్వం కుచేలుడు, శ్రీకృష్ణుని గొప్పతనం తెలుసుకుని అతనికి ఒక పిడికెడు అటుకులు ఇవ్వగా... ఫలప్రదముడైన శ్రీకృష్ణుడు ఆ కుచేలుడికి ఎన్నో మహాసంపదలు బహుమానంగా ఇచ్చాడు. అలాగే తెలిసినవారు ఎవరైనా మోసగిస్తే.. గొప్పగుణాలను కలిగినవాడు అతనిని క్షమించి, ఇంకా ఎక్కువ మేలు చేస్తాడు.