ప్రియాంక రేటు 7 నిమిషాలకు 6 కోట్లు

Posted: 12/17/2013 11:58 AM IST

వెండితెర పై ఒక్కసారి హీరోయిన్ గా కనిపించి కాస్త ఒంపుసొంపులు చూపించి, ఫిగర్ ఫర్ ఫెక్ట్ అని అనిపించుకొని కాస్తంత పేరు తెచ్చుకుంటే చాలు.. ఏదో విధంగా డబ్బులు వచ్చి పడుతూనే ఉంటాయి వారికి. సినిమాల్లో అవకాశాలు లేకుండా ఖాళీగా ఉన్న భామలు షాపు ఓపెనింగులు, సైడ్ బిజినెస్ లు చేస్తూ నాలుగు రాళ్ళు వెనకేసుకుంటారు. అదే కొత్త సంవత్సరం వచ్చిందంటే ఇక వారికి పండడే పండగ.

నూతన సంవత్సర వేడుకులను నిర్వహించే హోటల్స్ వారు వీరిని ఒక్కరాత్రికి లక్షలు పోసి బుక్ చేసుకుంటారు. వారు కూడా వచ్చిన అవకాశాన్ని సద్వినియోగం చేసుకొని ఓ పైసా ఎక్కువే గుంజుతారు నిర్వహకుల నుండి. అదే స్టార్ డమ్ ఉన్న హీరోయిన్ల సంగతైతే చెప్పాల్సిన అవసరం లేదు. గంటల చొప్పున డిమాండ్ చేస్తున్నారు. ఇక టాప్ హీరోయిన్లు మరో అడుగు ముందుకు వేసి నిమిషాల చొప్పున  వసూలు చేస్తున్నారు.

ఇఫ్పుడు బాలీవుడ్ టాప్ హీరోయిన్ అయిన ప్రియాంక చోప్రా  కొత్త సంవత్సరం సందర్భంగా చెన్నయ్‌లో జరగనున్న ఓ వేడుకలో కేవలం ఏడే ఏడు నిమిషాలు నర్తించడానికి కమీట్ అయ్యిందట. దీనికోసం ప్రియాంక అక్షరాలా ఆరు కోట్ల రూపాయలు తీసుకోబోతున్నట్లు బాలీవుడ్ వర్గాల సమాచారం. సాధారణంగా వాణిజ్య ప్రకటనల కోసం నటీ నటులు ఇంత డిమాండ్ చేస్తారు.

కానీ ఓ రాత్రి కేవలం ఏడు నిమిషాలు నర్తించినందుకే ప్రియాంక ఇంత వసూలు చేయడం పై మిగతా భామలు ఆశ్చర్యం వ్యక్తం చేయడమే కాకుండా, ఏడు నిమిషాలకు ఇంత మొత్తం చాలా ఎక్కువని నిర్వాహకులకు కూడా అనిపించినప్పటికీ యువతలో ప్రియాంకకి ఉన్న క్రేజ్ దృష్ట్యా ఇవ్వడానికి సిద్ధపడ్డారట. టికెట్స్ ద్వారా ఆ డబ్బుని వసూలు చేసుకోవచ్చనే ధీమాతో ఉన్నారట.

అందుకే ఇప్పుడే ప్రచారం మొదలుపెట్టేశారట. ఈ నెల 31న జరగబోయే ఈ కార్యక్రమంలో జోరుగా హుషారుగా ఉండే పాటలకు నర్తించడానికి ప్రియాంక రెడీ అవుతున్నారని బాలీవుడ్ టాక్. ఆ రోజు ఆ ఏడు నిమిషాల్లో ఏ మాత్రం ప్రియాంక పరువాలన్నీ ఆరబోయ బోతుందోనని ఎదురు చూస్తున్నారు.