కేంద్రం అడుగులు రాయల తెలంగాణ వైపే...

Posted: 11/25/2013 12:46 PM IST

ఆంధ్ర ప్రదేశ్ రాష్టాన్ని విభజిస్తున్నామని కేంద్రం ప్రకటించి, దానికి సంబంధించిన ప్రక్రియను పూర్తి చేయడానికి కేంద్రం మంత్రుల బృందాన్ని (జీవోఎం) ఏర్పాటు చేయడమే కాకుండా వివిధ రాజకీయ పార్టీల నుంచి అభిప్రాయాలు సేకరించి విభజన ప్రకియను కీలకద దశకు తీసుకొని వచ్చి తెలంగాణ ముసాయిదా బిల్లును త్వరలో పార్లమెంటులో ప్రవేశపెట్టడానికి సిద్దమౌవుతున్న తరుణంలో కేంద్రం పది జిల్లాల తెలంగాణ కాకుండా పన్నెండు జిల్లాల రాయల తెలంగాణ అంశాన్ని కూడా మళ్లీ లేవనెత్తి

దానికి సంబంధించిన సమాచారం, లోటు పాట్ల గురించి ఇంటలీజెన్స్ వర్గాల ద్వారా రాష్ట్రానికి చెందిన వివిధ పార్టీల నేతలను అడిగి తెలుసుకున్నట్లు సమాచారం. తెలంగాణాలోని టిఆర్ఎస్, భిజేపి, సిపిఐ, సిపిఎం ఎమ్మెల్యేలను ఈ విషయంపై ఇంటలిజెన్స్ అధికారులు అడగడం, వారి అభిప్రాయం చెప్పమనడంతో ఈ విషయం వెలుగులోకి వచ్చింది. ఇంటలిజెన్స్ డిఎస్సీ స్థాయి అధికారులు రెండు మూడు సార్లు కలిసి రాయల తెలంగాణ ఏర్పాటు చేస్తే ఎలా ఉంటుంది, మీరు ఒప్పుకుంటారా, తెలంగాణ ప్రజలు దీనిని అంగీకరిస్తారా అంటూ ఆరా తీసారు. కానీ ఇక్కడి అన్ని పార్టీల తెలంగాణ నేతలు ముక్త కంఠంతో పది జిల్లాల తెలంగాణ తప్ప మనేమి అవసరం లేదని చెప్పినట్లు సమాచారం.

అయితే కేంద్రం పది జిల్లాలతో కూడిన తెలంగాణ ఇస్తే ఏర్పడే మేజర్ సమస్యలను రాయల తెలంగాణ ద్వారా పరిష్కారం చూపాలని, హైదరాబాద్, శ్రీశైలం వంటి వాటికి పరిష్కారం ఈజీగా దొరుకుతుందని , ఎలాగొలాగో తెలంగాణా అంశాన్ని మద్యే మార్గంగా పరిష్కారం చేయడానికే కేంద్రం రాయల తెలంగాణ అంశాన్ని పరిశీలిస్తోందని, దానికి సంబంధించిన బిల్లును కూడా తయారు చేసిందని, త్వరలో పార్లమెంటులో దానినే పెట్టబోతున్నారని అంటున్నారు. ఇక మొదటి నుండి రాయల తెలంగాణకు అనుకూలంగా ఉన్న ఎంఐఎం కూడా కేంద్రం నిర్ణయానికి సానుకూలంగ ఉంది. కానీ ఆ ఒక్క పార్టీ తప్ప మిగిలిన పార్టీలు రాయల తెలంగాణ కోరుకోవడం లేదు కాబట్టి కేంద్రం గనుక రాయల తెలంగాణ దిశగా అడుగులు వేస్తే మళ్ళీ తెలంగాణలో ఉద్యమం తీవ్రరూపం దాల్చే అవకాశాలు ఉన్నాయని విశ్లేషకులు అంటున్నారు.