బహుబలి స్టోరీ లీకయ్యింది ?

Posted: 11/15/2013 12:34 PM IST

దర్శక ధీరుడు రాజమౌళి టాలీవుడ్ లోనే అంత్యంత భారీ బడ్జెట్ తో భారీ తారాగణంతో అంత్యంత ప్రతిష్టాత్మకంగా తెరకెక్కిస్తున్న ‘బహుబలి ’ సినిమా షూటింగు జరుపుకుంటున్న విషయం తెలిసిందే. ఇప్పటి కే రెండు షెడ్యూల్స్ ను పూర్తి చేసుకొన్న ఈ చిత్రంలోని కీలక సన్నివేశాల్ని ఇటీవలే రామోజీ ఫిలిం సిటీలో పూర్తి చేశారు.

ప్రస్తుతం కేరళలలో షూటింగు జరుపుకుంటున్న ఈ సినిమా 2015 లో విడుదల చేయడానికి సన్నాహాలు చేస్తున్నారు. కానీ ఈ సినిమా స్టోరీ లీక్ అయిందని, ఆ స్టోరీ ఇదేనంటూ టాలీవుడ్ సినిమా వర్గాల నుండి వార్త బయలు దేరింది. టాలీవుడ్ లో సంచరిస్తున్న కథ ప్రకారం ప్రభాస్, రానా ఇద్దరు ఓ అమ్మాయితో ప్రేమలో పాడతారు. ఫైనల్‌గా ఆమె కోసం ఆధిపత్యాన్ని రాజనీతితో ఎదుర్కొనేందుకు యుద్దాలు జరుగుతుంటాయి. ఇందులో రానా అడ్డదారిలో హీరోయిన్ అనుష్కను చేజిక్కించుకోవాలని ప్రయత్నిస్తుంటాడు.

చివరకు ఎవరు దక్కించుకుంటారనేదే ఈ సినిమా స్టోరీ అని చెబుతున్నారు. ఈ సినిమా స్టోరీ వినడానికి సింపుల్ గా ఉన్నా జక్కన్న తనదైన స్టైల్లో తెరకెక్కిస్తున్నాడని అంటున్నారు. ఇప్పటికే ఈ సినిమాకు సంబంధించిన మేకింగ్ వీడియోలను ఇటీవలే విడుదల చేసి ప్రేక్షకాదరణను సొంతం చేసుకుంది కూడా. కథ విషయంలో చాలా జాగ్రత్తగా ఉండే రాజమౌళి తన సినిమా కథ లీక్ అయ్యిందంటే మాత్రం సినీ జనాలు నమ్మడం లేదు.