సంగారెడ్డికి సై అంటున్న సీఎం

Posted: 11/13/2013 08:44 PM IST

సంగారెడ్డి లో రచ్చబండ వాయిదా పడటంతో.. టీఆర్ఎస్ నాయకులు మా దెబ్బకు బయపడి రాష్ట్ర ముఖ్యమంత్రి నల్లారి కిరణ్ కుమార్ రెడ్డి భయపడ్డాని .. మీడియా ముందు చంకలు కొట్టుకుంటున్నారు. టీఆర్ఎస్ నాయకులకు ఎమ్మల్యే జగ్గారెడ్డి తీవ్రమైన హెచ్చరికలు చేయటం జరిగింది. అయితే ఈరోజు టీఆర్ఎస్ నాయకుల కామెంట్స్ రాష్ట్ర ముఖ్యమంత్రి నల్లారి కిరణ్ కుమార్ రెడ్డి దీటుగా సమాదానం చెప్పటం జరిగింది. ఎవరో భయపెడితే.. నేను భయపడే రకం కాదని మీడియా ముందు చెప్పటం జరిగింది. మెదక్ జిల్లాకు చెందిన మంత్రుల విజ్ఞప్తి మేరకే రచ్చబండ కార్యక్రమాన్ని రద్దు చేసుకున్నానే తప్ప, బంద్‌లకో, అడ్డుకుంటారని భయపడో కాదని, ఎవరో అడ్డుకుంటారంటే తాను గాని, ప్రభుత్వ విప్ తూర్పు జయప్రకాశ్ రెడ్డిగాని భయపడే రకం కాదని ముఖ్యమంత్రి నల్లారి కిరణ్ కుమార్ రెడ్డి అన్నారు.

 

అభివృద్ధి, సంక్షేమ కార్యక్రమాల అమలులో వెనక్కు తగ్గేది లేదని .. దేశంలోనే సంక్షేమ పథకాలను అమలు చేయడంలోనూ, ఎస్సీ,ఎస్టీలకు, మహిళలకు సంబంధించిన ప్రత్యేక చట్టాలను రూపొందించిన ఘనత తమ ప్రభుత్వానిదేనని అన్నారు. ఎవరో అడ్డుకుంటామంటే తానుగాని, విప్ జగ్గారెడ్డిగాని భయపడేవారం కాదని కిరణ్ పేర్కొన్నారు. సదాశివ పేటమ వెల్టూరులో బుధవారం జరగాల్సిన రచ్చబండ కార్యక్రమం రద్దుకావడంతో ఆ గ్రామం నుంచి వందలాది మంది ముఖ్యమంత్రిని కలసి ఆవేదన వ్యక్తం చేశారు. తాము తీవ్ర నిరాశకు గురయ్యామని చెప్పారు. తమలో అత్యధికులు దళితులు, వెనుకబడిన వర్గాలకు చెందినవారున్నారని వివరించారు.

 

అందరి సంక్షేమానికి ఉపయోగపడే రచ్చబండ కార్యక్రమం రద్దయినందుకు తాము నిరాశకు గురయ్యామని కిరణ్ వద్ద ఆవేదన వ్యక్తం చేశారు. దేవుడులాంటి సీఎం పర్యటన రద్దు కావడం తమను నిరాశకు లోను చేసిందని.. తమ గ్రామానికి రావాలని వారు కోరారు. తాను వెల్టూరు గ్రామానికి తప్పకుండా వస్తానని ఆ గ్రామస్తులకు కిరణ్ హామీ ఇచ్చారు. వెల్టూరు గ్రామస్తులను కలుసుకుంటానని, వారి సంక్షేమానికి అన్ని చర్యలూ తీసుకుంటానని చెప్పారు.