భర్తకోసం.. నిర్మాతలతో ఫైట్

Posted: 10/25/2013 05:16 PM IST

చందమామ పిల్ల.., మగధీర..ప్రేయసి, తెలుగు సినీ ప్రేక్షకుల డార్లింగ్ .. కాజల్ ఇప్పుడు మొండికేస్తుందనే వార్తలు ఫిలింనగర్లో వినిపిస్తున్నాయి. అయితే గత రెండు సంవత్సరాలుగా కాజల్ సినిమాలకు కొంచెం దూరంగా ఉంటుంది. అంతేకాకుండా సినీ నిర్మాతలపై, దర్శకులపై, టాప్ హీరోలపై ..విచిత్రమైన కామెంట్లు చేస్తూ.. మెల్ల మెల్లగా.. టాలీవుడ్ కి దూరమైంది. అయితే కాజల్ చేతిలో ..రెండు తమిళ సినిమాలు ఉన్నాయి. ఆ రెండు సినిమాలను రీసెంట్ గా పూర్తి చేసి, ఇంటికే పరిమితమైంది. అయితే ఆయా సినిమా నిర్మాతలు .. ప్రచారం కోసం రావాల్సిందని కాజల్ ను సంప్రదించిన సమయంలో.. వారి పై కాజల్ కత్తులు నూరినట్లు కోలీవుడ్ వర్గాలు అంటున్నాయి. నిర్మాతలు కాజల్ ను ఎంత బ్రతిమాలిన.. ప్రచారానికి మాత్రం రానని మొండికేసినట్లు సమాచారం. మీరు ఈ సినిమాల్లో హీరోయిన్ కాబట్టి రావాలని నిర్మాతలు గట్టిగా చెప్పటంతో.. కాజల్ రెచ్చిపోయి, నేను రాను.. మీ ఇష్టం వచ్చింది చేసుకోండని, తమిళ నిర్మాతలను కాజల్ కడిగిపారేసిందని కోలీవుడ్ వర్గాలు అంటున్నాయి. అయితే కోలీవుడ్ నిర్మాతలు కాజల్ పొగరను తగ్గించేందుకు కొన్ని చర్యలు తీసుకుంటున్నట్లు సమాచారం.

 

అయితే కాజల్ అలా రెచ్చిపోవటానికి కారణం ఉందని కొంతమంది అంటున్నారు. రీసెంట్ గా ఆమె చెల్లికి పెళ్లి కుదిరిన విషయం తెలిసిందే. అయితే కాజల్ కూడా సంసార జీవితం పై మోజు పడినట్లు తెలుస్తోంది. తన చెల్లి పెళ్లి సందడిలో తనకు నచ్చినవాడిని చూసుకోని..భర్త కు సేవలు చెయ్యాలనే ఉద్దేశంతోనే కాజల్ సినిమాలకు దూరమవుతున్నట్లు కోలీవుడ్ వర్గాల సమాచారం. ఇక సినిమాల్లో నటించేందుకు కాజల్ ఇష్టం లేదనే విషయం అర్థమవుతుంది. అందుకే తమిళ నిర్మాతలకు చుక్కలు చూపించిందని విమర్శలు కోలీవుడ్ లో బలంగా వినిపిస్తున్నాయి.

 

చందమామ పై చర్యలు తీసుకోవడానికి తమిళ నిర్మాతల మండలి సిద్ధమవుతోంది. చిత్ర ప్రచార కార్యక్రమాల్లో హీరోయిన్లు కచ్చితంగా పాల్గొనాలని, లేని పక్షంలో పారితోషికంలో 20 శాతం కట్ చేయ్యాలని తమిళ నిర్మాతల మండలి నిర్ణయించింది. ఆల్ ఇన్ ఆల్ అళగురాజా చిత్రంలో హీరోయిన్‌గా కాజల్ నటించింది. ఇటీవల జరిగిన ఈ చిత్ర ఆడియో ఆవిష్కరణ కార్యక్రమానికి కాజల్ డుమ్మా కొట్టింది. కాజల్ పై చర్యలు తీసుకోవడానికి తమిళ నిర్మాతల మండలి సిద్ధమవుతున్నట్లు సమాచారం.

 

పెళ్లి కోరికలు కలిగిన చందమామ పై కోలీవుడ్ నిర్మాతలు ఎన్ని చర్యలు తీసుకున్న ఉపయోగం లేదని చందమామ అభిమానులు అంటున్నారు. అయిన కాజల్ కాపురం చేసుకోవాలని ఆశపడుతుంటే.. అడ్డుపడటానికి మన ఎవరం చెప్పండి. చెల్లి పెళ్లిలో.. అక్క ప్రేమ చూపులు .. పెళ్లి కానీ ప్రసాద్ లకు బంపర్ ఆఫర్ .., కాజల్ చెల్లి పెళ్లి లో మీ అద్రుష్టాన్ని పరీక్షించుకోవచ్చు....