పవన్ కళ్యాణ్ పై కన్నేశారు

Posted: 10/08/2013 08:56 PM IST

టాలీవుడ్ పవర్ స్టార్ పవన్ కళ్యాణ్  తాజాగా నటించిన ‘అత్తారింటికి దారేది ’ చిత్రం సాధిస్తున్న కలెక్షన్లు ఇటు టాలీవుడ్ నే కాకుండా, బాలీవుడ్ ని ఇండస్ట్రీని షేక్ చేస్తున్న విషయం తెలిసిందే. ఇటు తెలుగు ఇండస్ట్రీలో ఉన్న పాత రికార్డులను బద్దలు కొట్టడమే కాకుండా, బాలీవుడ్ హీరోలు రణబీర్ కపూర్ , షారుఖ్ ఖాన్ ధీటుగా కలెక్షన్లను కురిపించింది.  ఈ సినిమా కేవలం పది రోజుల్లో మన రాష్ట్రంలో సుమారు 40 కోట్లు వసూలు చేయడం ఓవర్సీస్ లో మరో 16 కోట్లు కలెక్ట్ చేయడంతో ఇంటా బయటా ఈ సినిమా గురించే చర్చించుకుంటున్నారు .

పవన్ స్టామినాను ప్రత్యక్ష్యంగా చూస్తున్న బాలీవుడ్ ప్రముఖులు ఈయన క్రేజ్ ని క్యాష్ చేసుకోవాలని చూస్తున్నారు. పవర్ స్టార్ తో సంప్రదింపులు జరిపి ద్విభాషా చిత్రాల్లో నటింపజేయాలని ప్రయత్నాలు మొదలు పెట్టి,, ఈ మేరకు పవన్ కళ్యాణ్ ను సంప్రదించేందుకు తమ వంతు ప్రయత్నాల్ని ప్రారంభించారని టాలీవుడ్ లో ప్రచారం జరుగుతోంది . ఇంత వరకు బాలీవుడ్ లో నటించని, కనీసం నటించాలని కూడా ఆలోచించని పవన్ వీరికి కమీట్ అవుతాడా ?

ఎప్పుడు హంగు హార్బాటాలకు , పబ్లిసిటీకీ దూరంగా ఉండే పవన్ బాలీవుడ్ చిత్ర నిర్మాతలు ఇచ్చే రెమ్యునరేషన్ అంత ఈజీగా పడిపోతాడా ? ఈ మధ్యనే తన ఫ్యామిలీకి చెందిన హీరో బాలీవుడ్ లో బొల్తా పడిన సంగతిని గుర్తు చేసుకొని బాలీవుడ్ పై పవన్ ఆసక్తిని ప్రదర్శిస్తాడా అనేది సందేహమే . ఇలాంటివి గమనించి ముందే సదరు నిర్మాతలు ప్రయత్నాలు మానుకోవడం మంచిదేమో అని సినీ జనాలు అంటున్నారు.