చంద్రబాబు ఆస్తులో వాటా ఎవరికి కావాలోచ్

Posted: 09/16/2013 03:03 PM IST

తెలుగుదేశం పార్టీ అధ్యక్షుడు చంద్రబాబు నాయుడు కుటుంబంలోని ఆస్తులలో వాటాను ఎవరికైనా సరే ఇవ్వటానికి సిద్ధంగా ఉన్నారు.  అస్తుల విలువ మొత్తం 42 కోట్ల రూపాయలు.  అలా ఆస్తులలో వాటా గ్రహించటానికి ఒకే ఒక్క

అర్హత ఆయన చెప్పిన లెక్కలు తప్పని నిరూపించటమే అంతే.  అంతకంటే ఎక్కువ ఆస్తులున్నాయన్న రుజువులేమైనా ఉంటే బయటపెట్టటమే.   

ప్రజాజీవితంలో ఉన్న నాయకులంతా తమ ఆస్తులను వెల్లడి చేయాలన్న చంద్రబాబు తన ఆస్తులను ఈ విధంగా ప్రకటించారు. 

చంద్రబాబు నాయుడు పేరు మీద రూ.42 లక్షలు, ఆయన భార్య భువనేశ్వరి పేరు మీదున్న ఆస్తులు రూ.33 కోట్ల 5 లక్షలు.

చంద్రబాబు నాయుడు కుమారుడు లోకేష్ పేరు మీద రూ.4 కోట్ల 93 లక్షలు, ఆయన భార్య బ్రాహ్మణి పేరు మీదున్న ఆస్తులు రూ.3 కోట్ల 31 లక్షలు.

అవినీతి వల్లనే దేశంలో ఆర్థిక సంక్షోభం వాటిల్లిందన్న చంద్రబాబు రాజకీయ నాయకులంతా తమ తమ ఆస్తులను ప్రకటించటం తప్పని సరి చేయాలని కోరుతూ తన సొంత పరిశ్రమ హెరిటేజ్ కంపెనీని పారదర్శకతతో నడుపుతున్నామని చెప్పారు.  1992 లో స్థాపించిన ఆ కంపెనీ అభివృద్ధి చెందిందని, దాని వలన 30 శాతం డివిడెండ్ చెల్లించటం జరిగిందని కూడా ఆయన అన్నారు.  దేశంలో అవనీతిని మట్టుపెడితే కానీ పారిశ్రామిక ప్రగతి, రూపాయి విలువ పుంజుకోవటం జరుగుతుందని, హవాలా నిర్వహణలను పూర్తిగా అరికట్టాలని ఆయన అన్నారు. 

తాను ప్రకటించిన ఆస్తలు కాక ఇంకా ఉన్నాయని ఎవరైనా నిరూపిస్తే అందులో వాటా ఇస్తానని చంద్రబాబు అన్నారు.  ఆయన మీద ఆరోపణలు చేస్తున్నవారికిది ఒక మంచి అవకాశం.  చంద్రబాబు కుటుంబ సభ్యులకు అంతకంటే ఎక్కువ ఆస్తులున్నాయని సాక్ష్యాధారాలతో నిరూపించటం వలన వారి ఆరోపణలు సరైనవేనన్న విషయం నిరాధారమైనది కాదన్న విషయం తెలిసి వట్టి ఆరోపణల ద్వారా సాధించలేనిది సాధించవచ్చు.  దానితో పాటు ఆ కృషికి ఫలితంగా ఆయన ఆస్తిలో వాటాను కూడా పారితోషికంగా తీసుకోవచ్చు. 

-శ్రీజ