నిర్భయ చట్టం కేసులో చక్రి

Posted: 08/05/2013 04:07 PM IST

ఈ మధ్య కాలంలో సినిమా వాళ్ళ ఆగడాలు రోజు రోజుకు పెరిగిపోతున్నాయి. ఆ మద్య కాలంలో హీరోలు తాగి డ్రైవ్ చేసిన సంఘటనలు, స్టార్ హీరోలు రోడ్ల పై చేసిన రౌడీయిజం, పబ్బల్లో అమ్మాయిల పై అసభ్యంగా ప్రపర్తించిన సంఘటనలు మరచిపోకముందే తాజాగా అదే సినిమా పరిశ్రమకు చెందిన ప్రముఖ సంగీత దర్శకుడు అయిన చక్రీ కూడా వారి జాబితాలో చేరిపోయాడు. మంచి మ్యూజిక్ డైరెక్టర్ గా పేరు తెచ్చుకున్న చక్రీ నిన్న రాత్రి తన ఇంట్లో జరిగిన ఫ్రెండ్ షిప్ పార్టీ వేడుకల్లో ఓ అమ్మాయి పై అసభ్యంగా ప్రవర్తించాడని బేగం పేటకు చెందిన మాధవి అనే ఓ యువతి బంజారాహిల్స్ పోలీస్ స్టేషన్ లో ఫిర్యాదు చేసింది. ఈ పిర్యాదును స్వీకరించిన పోలీసులు సంగీత దర్శకుడు చక్రీ పై నిర్బయ చట్టం కింద కేసు నమోదు చేశారు. చక్రితో పాటు నిర్మాత పరుచూరి ప్రసాద్‌ పై కూడా కేసు నమోదు చేసినట్లు పోలీసులు తెలిపారు. పూరీ జగన్నాథ్ హిట్ సినిమా అయిన ‘ఇడియట్ ’ తో సంగీత దర్శకుడిగా వెండి తెరకు ఎంట్రీ ఇచ్చిన చక్రీ ఆ తరువాత పలు హిట్ సినిమాలకు మ్యూజిక్ అందించాడు. ఒక సెలబ్రెటీ స్దాయిలో ఉన్న వారు నలుగురికి ఆదర్శంగా నిలవాలి కానీ,  ఇలాంటి చేష్టలతో నలుగురిలో నవ్వుల పాలు కావడమే కాకుండా, నిర్బయ చట్టం లాంటి కేసులలో ఇరుక్కోవడం అవమానకరం అంటున్నారు జనాలు.