అతని మాటలకు పడిపోయిన రామ్ గోపాల్ వర్మ

Posted: 08/05/2013 09:06 PM IST

తూర్పుగోదావరి జిల్లా రాజమండ్రిలోని సుబ్రహ్మఱణ మైదానంలో జరిగిన బహిరంగ సభలో ఉండవల్లి అరుణ్ కుమార్ తెలంగాణ పై కొన్ని నిజాలు బయట పెట్టారు. రాష్ట్రంలో తెలంగాణలో అబివ్రుద్ది పై తాను మూడువందల పేజీల నోట్ ను తయారు చేస్తానని, విద్య, ఆరోగ్య తదితర రంగాల్లో గత 50 ఏళ్లలో ఎవరరెంత లబ్ధిపొందారో శాసనసభలో వివరించాలన్నారు. అంబేద్కర్ చెప్పినట్లుగానే యూపీ, మద్యప్రదేశ్ రాష్ట్రాల్లో విభజన జరిగిందని గుర్తు చేశారు. పాండిచ్చేరి తరహాలో హైదరాబాద్ ను కేంద్ర పాలిత ప్రాంతంగా కూడా చేయవచ్చని ఉండవల్లి అన్నారు. అయితే 57 ఏళ్ల పాటు రాష్ట్రానికి రాజధానిగా ఉన్న హైదరాబాద్ ను వదులుకొనేప్రసక్తి లేదన్నారు. తెలంగాణ విడిపోతే దేశంలో 17 ప్రాంతాల్లో అలజడి మొదలయ్యే ప్రమాదం ఉందన్నారు. హైదరాబాద్ లో నివశించే వారికి తెలంగాణాలో కలవడం ఇష్టం లేదన్నారు. రాజధాని గా ఉన్న ప్రాంతాన్ని విడదీసి వేరే రాష్ట్రం ఏర్పాటు చేయడం భారత దేశంలో ఇదే ప్రథమమన్నారు. అసలు తెలంగాణ రావడం కేసిఆర్ కు ఇష్టం లేదని ఉండవల్లి అన్నారు. రక్తపాతం లేకండా తెలంగాణ రావడం కేసిఆర్ కు బాధ కలిగిస్తుందన్నారు. అయితే ఉండవల్లి మాటలపై ప్రముఖ దర్శకుడు కామెంట్ చేశారు. రాష్ట్ర విభజన నిర్ణయం తర్వాత రామ్ గోపాల్ వర్మ చాలా అప్‌సెట్ అయినట్లు ఆయన ట్విట్స్ పరిశీలిస్తే స్పష్టం అవుతోంది. తెలంగాణ విషయంలో ఎంపీ ఉండవల్లి అరుణ్ కుమార్ ప్రసంగం చాలా బాగుందని, దాన్ని అంతా చూడాలని అంటున్నారు ఈ వివాదాస్పద దర్శకుడు. "తెలుగు వాళ్లను విభజించడానికి ఓ ఇటాలియన్, ఓ కన్నడిగ, ఓ తమిళియన్, ఓ బిహారీ, ఓ హిందీ చేతులు కలిపారు'' అని రామ్‌గోపాల్‌వర్మ అన్నారు. తెలంగాణ విషయమై కాంగ్రెస్ తన వైఖరిని ప్రకటించిన విషయం విదితమే. రాష్ట్రం విభజన పై వర్మ చాలా బాధపడుతున్నట్లు సమాచారం. అయితే ఉండవల్లి చేసిన ప్రసంగం ప్రతిఒక్కరు వినాలని చెప్పటం చాలా విశేషంగా ఉంది. అయితే త్వరలో వర్మ ఉండవల్లితో సినిమా తీసిన ఆశ్చర్యం లేదని , ఆయన అభిమానులు అంటున్నారు.