రామ్ చరణ్ డబల్ ధమాకా

Posted: 07/30/2013 05:34 PM IST

రామ్ చరణ్ తేజ్ నటించిన ఎవడు సినిమా నిజానికి రేపు విడుదల కావలసింది.  కారణమేదైనా నిర్మాత దిల్ రాజు చొరవ తీసుకుని విడుదలను ఆగస్ట్ 21కి వాయిదా వెయ్యటం కాస్త అభిమానులకు చివుక్కుమన్నా, ఈ రోజు సాయంత్రం ఎప్పటి నుంచే నానుతున్న తెలంగాణా వివాదానికి తెరదించుతామంటూ కాంగ్రెస్ పార్టీ నడుం బిగించి ఏక బిగిన యుపిఏ, సిడబ్లుసి సమావేశాలను నిర్వహించి ఈ రోజే తమ నిర్ణయాన్ని తెలుపుతామని చెప్పటంతో సినిమా రంగంలో కూడా సంచలనం మొదలైంది.  ఏ నిర్ణయం వలన ఏ ప్రాంతంలో ఎలాంటి అవాంతరం ఏర్పడుతుందో అని అందరూ భయపడుతున్నారు.  ఈ నేపథ్యంలో ఎవడు సినిమా వాయిదా పడటం చాలా మంచిదైందని అభిమానులలో నిరుత్సాహం స్థానంలో మరోసారి ఉత్సాహం చోటుచేసుకుంది. 

ఆ తర్వాత మరో రెండు వారాల్లో విడుదల అవుతోంది.  ఆ సినిమాల విడుదలలో జాప్యముండదని దర్శకుడు స్వయంగా చెప్పి, ఆ సినిమా విడుదల అవుతుందో లేదో అనే కు తావులేకుండా చేసారు. 

వంశీపైడిపల్లి దర్శకత్వంలో రూపొందిన ఎవడు చిత్రంలో రామ్ చరణ్ కి జంటగా శ్రుతి హాసన్ నటించగా మరింత ఉర్రూతలూగించేందుకు అమి జాక్సన్ తన వంతు శృంగారాన్ని కొంచెం అతిగానే అందించినట్లుగానూ సమాచారం.  ఈ సినిమాలో రామ్ చరణ్ ద్విపాత్రాభినయం చెయ్యటం, అల్లు అర్జున్ అతిథి పాత్రలో అలరించటం కూడా జరిగింది. 

ఇక జంజీర్ లో హిందీ తార ప్రియాంకా చోప్రా తెలుగులో కూడా శృంగారాన్ని పండించింది.  అదే తెలుగు భాషలోకి అనువదించి విడుదల చేస్తుండటం వలన ప్రియాంకాకు ఇది మొదటి తెలుగు సినిమా అవుతుంది.  ఒరిజినల్ జంజీర్ లో అమితాభ్ బచ్చన్ వేసిన పాత్రను రామ్ చరణ్, జయ భాదురి వేసిన పాత్రను ప్రియాంక ధరించారు.

ఇక ఈ డబల్ డబల్ ధమాకాల కోసం రామ్ చరణ్ అభిమానులు ఎదురు చూడటం మొదలుపెట్టారు.  ఆగస్ట్ 21, సెప్టెంబర్ లను తమ డైరీల్లో రాసుకుని ఆ రోజుల్లో ఇతర కార్యక్రమాలేమీ లేకుండా చేసుకుంటామంటున్నారు.

-శ్రీజ