పార్టీ నేతలకు రాహుల్ వార్నింగ్

Posted: 07/23/2013 11:52 AM IST

కాంగ్రెస్ పార్టీ ఉపాధ్యక్షుడిగా బాధ్యతలు చేపట్టిన రాహుల్ గాంధీ పార్టీలో తన మార్క్ ని చూపించుకునే ప్రయత్నం చేస్తున్నాడు. మూడు రోజుల పాటు జరగనున్న పార్టీ అధికార ప్రతినిధుల సమావేశానికి తొలి రోజు హాజరైన రాహుల్ గాంధీ పార్టీ అధికార ప్రతినిధులకు, కమిటీల్లో ఉండే ఇతర నేతలకు తనదైన స్టైల్లో హెచ్చరించినట్లు సమాచారం. ఎవరూ నోరు జారవద్దని, నోరు అదుపులో పెట్టుకోవాలని,  సున్నితమైన అంశాలపై ఆచితూచి మాట్లాడాలన్నారు. వ్యక్తిగత అభిప్రాయాలున్నా బాధ్యతాయుత పదవుల్లో ఉండి పార్టీ భావజాలానికి భిన్నంగా మాట్లాడితే కఠిన క్రమశిక్షణా చర్యలు తప్పవని హెచ్చరించారు. అసభ్యకరమైన భాషను ఉపయోగించొద్దని, తమది మహాత్మా గాంధీ పార్టీ అన్నారు.  దేశం నలుమూలల నుంచి హాజరైన 200 మంది పార్టీ నేతలకు రాహుల్ బాగానే హితబోధ చేసినట్లు తెలుస్తుంది. యూపిఏ, వివిధ రాష్ట్రాల్లోని కాంగ్రెస్ ప్రభుత్వాలు చేపట్టిన సంక్షేమ పథకాలపై నిజాలు ప్రచారంచేస్తే చాలని.. అబద్ధాలు చెప్పాల్సిన అవసరం లేదని వర్స్ షాప్ సందర్భంగా రాహుల్ వారికి చెప్పాడని ఉత్తరప్రదేశ్ కాంగ్రెస్ మాజీ చీఫ్ రీటా బహుగుణ జోషి సమావేశం అనంతరం తెలిపారు. గుజరాత్ అల్లర్ల వల్లే ఇండియన్ ముజాహిదీన్(ఐఎం) ఉగ్రవాద సంస్థ పుట్టిందన్న కాంగ్రెస్ ప్రధాన కార్యదర్శి షకీల్ అహ్మద్ వ్యాఖ్యల నేపథ్యంలో అతనికి పరోక్షంగా చురకను అంటిస్తూ, పార్టీ ప్రతినిధులకు హితభోద చేశాడని ఆ పార్టీ నేతలు అంటున్నారు.  సందర్భంగా పార్టీ నేతలకు సూచించారు.