ఏ జట్టు పై చేయి సాధిస్తుందో ?

Posted: 07/02/2013 06:47 PM IST

వరుస విజయాలతో దూ సుకుపోతున్న టీమిండియాకు ముక్కోణపు వన్డే సిరీస్ ఆదిలోనే ఎదురుదెబ్బ తగిలింది. తమ తొలి మ్యాచ్‌లో బ్యా ట్స్‌మెన్ తడబాటుతో పరాజయం చవిచూసింది. రెం డు వరుస విజయాలతో విండీస్ ఇప్పటికే ఫైనల్ అ వకాశాలను మెరుగుపరుచుకోగా, మంగళవారం శ్రీలంకతో జరిగే రెండో మ్యాచ్ కోసం భారత్ సన్నద్ధమవుతోంది . లీగ్ దశలో ఆడే నాలుగు మ్యాచ్‌ల్లో తొలి రెండు ఓడిపోతే.. ఆ తర్వాత మిగిలిన రెండు మ్యాచ్‌లు గెలిస్తేనే ఫైనల్‌కు వెళతారు. ఈ నేపథ్యంలో ఈ మ్యాచ్‌లో ఓడిన జట్టు కచ్చితంగా ఒత్తిడిలోకి వెళుతుంది. తర్వాతి రెండు మ్యాచ్‌లను నాకౌట్ తరహాలో ఆడేకంటే.... ఈ మ్యాచ్‌లో గెలిస్తేనే పరిస్థితి సానుకూలంగా ఉంటుంది. మొదటి లీగ్ మ్యాచ్ లో అనుభవం లేని యువ భారత బ్యాట్స్ మెన్స్ కరేబియన్ ధీవుల్లో రాణించలేక పోయారు. బౌలర్లు రాణించినా విజయాన్ని మాత్రం అందుకోలేక పోయారు. ధావన్, రోహిత్‌శర్మ ఓపెనింగ్‌తో పాటు కోహ్లి, రైనా, కార్తీక్‌లతో మిడిలార్డర్ పటిష్టంగా ఉన్నా కానీ, విండీస్ పై తడబడ్డారు. ఇక బౌలర్లు కూడా తన లోపాలను సరిదిద్దుకొని లైన్ అండ్ లెన్త్ లో లోపాలను సరిదిద్దుకోవాల్సి ఉంది.

ఇక లంక విషయానికి వస్తే....విండీస్‌తో జరిగిన టోర్నీ ఆరంభ మ్యాచ్‌లో అన్ని విభాగాల్లో చెత్త ప్రదర్శన చేసి ఘోర ఓటమిని మూటగట్టుకుంది. ఫలితంగా విండీస్‌కు బోనస్ పాయింట్ సమర్పించుకుంది. మహేల, కెప్టెన్ మాథ్యూస్ మినహా బ్యాటింగ్ విభాగం విఫలమైంది. బౌలర్లు కూడా బ్యాట్స్‌మెన్‌ను అనుసరించారు. లంక ఇప్పటికీ సీనియర్ ఆటగాళ్లు జయవర్ధనే, సంగక్కరలపైనే అతిగా ఆధార పడుతోంది. చాలా సందర్భాల్లో వీరిద్దరు కలిసే ఇన్నింగ్స్‌ను నిర్మిస్తున్నారు. అయితే తొలి మ్యాచ్‌లో కెప్టెన్ మాథ్యూస్ రాణించడం ఆ జట్టుకు ఊరట. యువ ఆటగాళ్లు తరంగ, చండీమల్, తిరిమన్నె పూర్తిగా విఫలం కావడం జట్టును దెబ్బ తీస్తోంది. ఇటీవలి ఇరు జట్ల ప్రదర్శన, రికార్డు చూస్తే అన్ని విధాలా భారత్‌దే పైచేయిగా కనిపిస్తోంది. మరి ఇద్దరికి కీలకమైన మ్యాచ్ ఏ జట్టు పై చేయి సాధిస్తుందో తెలుసుకోవాలంటే మరి కొన్ని గంటలు ఆగాల్సిందే.