5 నిముషాలకి 2 కోట్లు

Posted: 06/18/2013 06:01 PM IST

కోలీవుడ్ లో రజనీకాంత్ తో సినిమా అంటే బడ్జెట్ గురించి నిర్మాతలు అసలు ఆలోచించారు. అదే విధంగా టాలీవుడ్ లో పవర్ స్టార్ పవన్ కళ్యాణ్ సినిమా అంటే బడ్జెట్ విషయంలో నిర్మాతలు ముందుంటారు. పవన్ సినిమాకు ఇంత బడ్జెట్ అని ఏ నిర్మాత ఖచ్చితంగా చెప్పలేరు. పవన్ కళ్యాణ్ తో సినిమా తీసిన ఏ నిర్మాత దెబ్బ తిన్నట్లు ఇప్పటి వరకు లేదు. ఒక సినిమాలో దెబ్బతిన్న రెండో సినిమా ఫ్రీగా చేసి నిర్మాతను ఆర్థికంగా నిలబెట్టే మనస్సున్న హీరో పవన్ కళ్యాణ్. రీసెంట్ గా జరిగిన సన్నివేశం చూస్తే పవన్ కళ్యాణ్ రేంజ్ ఏమిటో ఇట్టే తెలిసిపోతుంది. పవన్ కళ్యాణ్-త్రివిక్రమ్ కాంబినేషన్లో రూపొందుతున్న ‘అత్తారింటికి దారేది'(వర్కింగ్ టైటిల్) చిత్రం లో 5 నిముషాలకి 2 కోట్లు ఖర్చు పెట్టినట్లు చెప్తున్నారు. అది ఇంట్రడక్షన్ సీన్ కి అని ఫిల్మ్ సర్కిల్స్ లో వినపడుతోంది.

ఈ సీన్ ..స్పెయిన్ లో షూట్ చేసారు. హీరో హెలికాప్టర్ మీద నుంచి లాండ్ అయ్యి...అక్కడ గూండాలతో స్టైలిష్ ఫైట్ తో ముగుస్తుందని తెలిసింది. ఈ సీన్ కోసం అంత ఖర్చు పెట్టారని చెప్తున్నారు. పెయిన్, జర్మనీ, ఆస్ట్రియా, ఇతర యూరోపియన్ కంట్రీలలో షూటింగ్ జరుపనున్నారు. ఈ షెడ్యూల్ లో మొత్తం 3 పాటలు చిత్రీకరించనున్నారు. అందులో ఒకటి పవన్ సోలో సాంగ్ కాగా...హీరోయిన్లు సమంత, ప్రణీతలతో కలిసి డ్యూయెట్ సాంగ్ చిత్రీకరించనున్నారు. ఈ విషయం తెలుసుకున్న సమంతకు షూటింగులోనే చెమట్లు పట్టినట్లు చిత్ర యూనిట్ సభ్యులు అంటున్నారు. మరో హీరోయిన్ ప్రణీత కు కళ్లుతిరిగినంత పనైంది. అంత మొత్తం నా జీవితం కాలంలో ఒక్క సినిమాకు అయిన తీసుకుంటానా అని ప్రణీత షూటింగ్ సభ్యులతో అన్నట్లు సమాచారం. ఏమైన మాటల మంత్రికుడు త్రీవిక్రమ్ మాత్రం పవన్ పవర్ ను బాగా ఉపయోగించుకుంటున్నాడని మెగా అభిమానులు అంటున్నారు.