నేను సారీ చెబితే... నీకే నష్టం? దగ్గుబాటి వర్సెస్ తిక్కవరపు

Posted: 06/11/2013 09:31 PM IST

విశాఖ ఎంపీ సీటు వివాదం గాలివానలా మారుతోంది. మాటల యుద్ధం చేసిన ఇరువురు నేతలు ఇప్పుడు లీగల్ సమరానికి సిద్ధమయ్యారు. క్షమాపణలు చెబుతావా, లేదా అంటూ కేంద్ర మంత్రి పురందేశ్వరి భర్త దగ్గుబాటి వెంకటేశ్వరరావుకు రాజ్యసభ సభ్యుడు తిక్కవరపు సుబ్బరామిరెడ్డి లీగల్ నోటీసులు పంపించారు. తనపై చేసిన ఆరోపణలకు పది రోజుల్లో బహిరంగ క్షమాపణ చెప్పకుంటే 5 కోట్ల రూపాయలకు పరువునష్టం దావా వేస్తానని హెచ్చరించారు. వచ్చే లోక్ సభ ఎన్నికల్లో వైజాగ్ స్థానం నుంచి పోటీ చేస్తానని, పురందేశ్వరి మరో స్థానం చూసుకుంటారని సమయం దొరికినప్పుడల్లా సుబ్బిరామిరెడ్డి చాటింపు వేస్తుండడంతో చిర్రెత్తుకొచ్చిన దగ్గుబాటి ఒకానొక సమూర్తం చూసుకుని సీఎల్పీలో ప్రెస్ మీట్ పెట్టి టీఎస్సార్ పై ధ్వజమెత్తారు. నాగార్జునసాగర్ డ్యామ్ నిర్మాణం సమయంలో సిమెంట్‌ను బ్లాక్‌లో అమ్ముకున్నట్లు, కాంట్రాక్టు పనుల్లో అక్రమాలు చేసినట్లు సుబ్బిరామిరెడ్డిపై ఆరోపణలు గుప్పించారు.

అక్కడితో ఆగకుండా ఆయన చరిత్ర అంతా తవ్వితీశారు. దీంతో తిక్కరేగిన తిక్కవరపువారు దగ్గుబాటిపై కయ్యిమన్నారు. కట్టుకున్న భార్యను చూసైనా నేర్చుకోవాలని ఉచిత సలహా కూడా ఇవ్వటం జరిగింది. అయితే ఈసారి దగ్గుబాటి వారు స్టైల్ మార్చి డైలాగ్ చెప్పారు. నేను సారీ చెబితే నీకే నష్టొం అంటూ, నన్ను రెచ్చగొడితే సుబ్బరామిరెడ్డికే నష్టమని దగ్గుబాటి వెంకటేశ్వర రావు హెచ్చరిక జారీ చేశారు. మరి ఈయన దగ్గరు సుబ్బిని బెదిరించడానికి ఏ అస్త్రాలు ఉన్నాయో కానీ…ఇలా నాతో పెట్టుకోకు అని బహిరంగ హెచ్చరికలు జారీ చేశారు. సుబ్బరామిరెడ్డి పంపించిన లీగల్ నోటీసుల వ్యవహారం నేను కోర్టులోనే తేల్చుకుంటాను. అయినా నాతో వివాదం పొడిగించుకోవడం సుబ్బరామిరెడ్డికే నష్టం. నాతో పెట్టుకోవద్దు..నన్ను రెచ్చగొట్టొద్దు..ఇలాగే చేస్తే చాలా విషయాలు బయటకు వస్తాయాని వెంకటేశ్వరరావు తిక్కవరపు వారికి తిక్కను టచ్ చేశారు. దగ్గుబాటి వారికి చేసిన విమర్శలకు తిక్కవరపు వారు ఎలాంటి సమాదానం ఇస్తారో చూడాలి.