అసిస్టెంట్ డైరెక్టర్ గా కె.రాఘవేంద్ర రావు

Posted: 05/04/2013 04:20 PM IST

తండ్రికి పుత్రోత్సాహం కలిగినప్పటి కంటే... ఆ పుత్రుడు ప్రయోజకుడు అయినప్పుడే తండ్రికి ఆనందం. అలాగే  గురువుకు విద్య నేర్పిన పిల్లవాడు తనను మించిన వాడైతే ఎంతో ఆనందపడతాడు. ఇప్పుడు దర్శకేంద్రుడు కూడా చేస్తున్నాడు. తెలుగు సినిమా ఇండస్ట్రీలో ఎంతో మంది దర్శకులు ఉన్నా రాఘవేంద్రరావు ది ప్రత్యేక స్థానం. ఇప్పటి వరకు దాదాపు 100 చిత్రాలకు దర్శకత్వం వహించిన ఈయన భక్తి సినిమాలు తీయడంలో దిట్ట. ఇప్పటి వరకు భక్తిరస చిత్రాలే కాకుండా, ప్రేమకథా చిత్రాలు కూడా తీశాడు. రాఘవేంద్రరావు సినిమాల్లో పాటల చిత్రీకరణ వైవిధ్యంగా ఉంటుంది. హీరోయిన్ల అందాలను ఒడిసిపట్టి ప్రేక్షకులకు ఏం చూపించాలో అవి చూపించి మైమరసిస్తాడు. ఇన్ని సంవత్సరాల అనుభవం ఉండి, ఎంతో మంది శిష్యులను తెలుగు తెరకు పరిచయం చేసిన దర్శకేంద్రుడు ఇప్పుడు ఆయన ప్రియశిష్యుడైన దర్శకధీరుడి దగ్గర అసిస్టెంట్ డైరెక్టర్ గా చేరబోతున్నాడట.

కె.రాఘవేంద్ర రావు దగ్గర చాలాకాలం సహాయ దర్శకుడిగా పని చేసిన రాజమౌళి, దర్శకుడిగా మారి. ఆ తర్వాత తెలుగులో వరస విజయాలు సాధిస్తూ సంచలనాలు సృష్టిస్తున్న విషయం తెలిసిందే. ప్రస్తుతం రాజమౌళి ‘బహుబళి ’ అనే భారీ సినిమాను తీయబోతున్న విషయం తెలిసిందే. ఇటీవల ఈ చిత్రం స్క్రిప్టును తన గురువు రాఘవేంద్రరావుకు వెల్లడించాడు రాజమౌళి. రాజమౌళి డైరెక్షన్ స్కిల్స్ చూసి ఆశ్చర్య పోయి చాలా ఇంప్రెస్ అయిన రాఘవేంద్రరావు ఆ సినిమాను, అందులోని అద్భుతమైన సీన్లను రాజమౌళి ఎలా తెరకెక్కిస్తారో దగ్గరుండి చూడటానికి అసిస్టెంట్ డైరెక్టర్‌గా చేయాలని డిసైడ్ అయ్యాడట. తన శిష్యుడు తన కంటే బాగా ఎదిగిపోయాడనే సంతోషంలో రాఘవేంద్రరావు తెగ ఆనందపడుతున్నాడట. అయినా ఎన్ని చిత్రాలు తీసిన అనుభవం ఉన్నా, నేర్చుకునే వాడు నిత్య విద్యార్థే కదా. మన దర్శకేంద్రుడు కూడా అలాంటి వాడే. ఇక రాజమౌళి ఇండియన్ సినిమా చరిత్రలోనే గ్రేటెస్ట్ మూవీగా దీన్ని తీర్చిదిద్దేందుకు ట్రై చేస్తున్నాడు.