ఏడు జిల్లాల్లో నిషేధాజ్ఞలు

Posted: 04/13/2013 12:14 PM IST

కర్నాటకకు చెందిన ఓటర్లు ఆంధ్రప్రదేశ్ లో చిత్తూరు, అనంతపురం, మెహబూబ్ నగర్, రంగారెడ్డి, మెదక్, నిజామాబాద్  జిల్లాలలో నివసిస్తున్నారు కాబట్టి ఆయా జిల్లాలో కూడా కర్నాటక ఎన్నికల దృష్ట్యా విధించిన నిషేధాజ్ఞలు కర్నాటకలో ఎన్నికలు పూర్తయ్యేంతవరకూ వర్తిస్తాయంటూ ఎన్నికల కమిషన్ ప్రకటించింది.  కర్నాటక ఓటర్లను ప్రభావితం చేసే సంక్షేమ పథకాలను ప్రచారం చెయ్యటం కానీ లేదా నాయకుల పెద్దపెద్ద కటౌట్లు పెట్టటం కానీ చెయ్యరాదని ఎన్నికల కమిషన్ ఆదేశాలు విడుదల చేసింది. 

కేంద్ర ఎన్నికల కమిషన్ కార్యాలయం నుంచి ఈ నిషేధాజ్ఞలను కర్నాటక, ఆంధ్రప్రదేశ్, తమిళనాడు, మహారాష్ట్ర, గోవా, కేరళ రాష్ట్రాల ఎన్నికల అధికారులకు, పోలీస్ అధికారులకు వీడియో రూపంలో పంపించారు. 

అయితే మన రాష్ట్ర పథకాలను ఆయా నిషేధప్రాంతాల్లో అమలు చెయ్యటానికి ఈ నిషేదాజ్ఞలు పనిచెయ్యవని రాష్ట్ర ప్రధాన ఎన్నికల అధికారి భన్వర్ లాల్ తెలియజేసారు.  దానితోపాటు రాష్ట్రంలోని అధికారులకు అనధికార మద్యం సరఫరాను అరికట్టవలసిందిగాను, సంఘవిద్రోహక చర్యలకు పూనుకునేవారి కదలికలను కనిపెట్టమని, రాష్ట్రంలో ఉన్న కర్నాటక ఓటర్లు ఈ రాష్ట్రంలో కూడా ఓటర్ల లిస్ట్ లో ఉన్నట్లయితే వారి పేర్లను రద్దు చెయ్యమని భన్వర్ లాల్

ఆదేశాలిచ్చారు.

-శ్రీజ