Posted: 04/01/2013 09:53 PM IST

సినిమా వాళ్ళు ఎప్పుడో ఒకప్పుడు రాజకీయాల్లోకి చేరుతారనే విషయం అందరికి తెలిసిందే. ఇప్పటి వరకు చాలా మంది సినిమా రంగానికి చెందిన వారు రాజకీయాల్లోకి వచ్చి తన లక్ ని పరిక్షించుకుంటున్నారు.  కొందరు సినిమాల్లో లాగే కొంత కాలం ఓ వెలుగు వెలిగి తరువాత కనుమరుగు అయిపోయారు. మరి కొందరు సినిమా రంగానికి స్వస్తి చెప్పి, రాజకీయాలను పట్టుకొని వేళాడుతున్నారు. తాజాగా స్టార్ డైరెక్టర్ అయిన వి.వి.నాయక్ త్వరలో తన అద్రుష్టాన్ని రాజకీయాల్లో కూడా పరీక్షించుకోబోతున్నాడని  టాలీవుడ్ వర్గాల సమాచారం. ఇప్పటికే తన కెరియర్లో రాజకీయ నేపథ్యం ఉన్న సినిమాలను తీస్తూ తన మనస్సులోని భావాలను వెండితెర పై చూపిస్తున్న వినాయక్ నిజజీవితంలో రాజకీయాల్లోకి వచ్చే ఆలోచన చేస్తున్నాడని అంటున్నారు. ఇప్పటికే ఆయన సొంతూరు చాగళ్లు నుండి తన తండ్రి సర్పంచిగా గెలిచారు. ఆ సమయంలో వినాయక్ ప్రచారం చేశాడు కూడా. 2014 ఎన్నికలలో వినాయక్ ఆ వూరు వైయస్సార్ కాంగ్రెస్ పార్టీ నుండి పోటీ చేయాలని నిర్ణయించుకున్నాడని అంటున్నారు.

ఈ నేపధ్యంలోనే వినాయక్ వైఎస్సార్సీపీకి దగ్గరవుతున్న సూచనలు కనిపిస్తున్నాయని ఇటు సినీ వర్గాలు అటు రాజకీయ వర్గాల్లో చర్చ జరగుతుంది. తన తండ్రి టీడీపీ తరుపున పోటీ చేసి గెలుపొందాడు. తరువాత చిరంజీవి పీఆర్పీ పార్టీలో చేరాడు ఇటీవలే ఆయన స్వర్గస్తులు అయ్యారు. ఈ నేపథ్యంలో ఆయన రాజకీయాల పై ద్రుష్టి సారించినట్లు తెలుస్తుంది. ఇప్పటికే అక్కడి టిక్కెట్ కోసం వైయస్సార్సీపీ పార్టీతో మంతనాలు కూడా మొదలు పెట్టాడని ఆయన సన్నితులు అంటున్నారు. చూద్దాం మరి సినిమాల్లో లాగే వినాయక్ ‘నాయకుడు ’ అవుతాడో లేదో ?