Posted: 03/27/2013 10:35 AM IST

లాక్మే ఫ్యాషన్ వీక్ సమ్మర్ రిసార్ట్ 2013 లో ఆరెంజ్ డ్రస్ లో అందరినీ ఆకట్టుకున్న కరీనా కపూర్ తో ఆమె భర్త సైఫ్ అలీ ఖాన్ ఆమెను ఆ సమయంలో ప్రోత్సహించటానికి రాకపోవటాన్ని తేలిగ్గా తీసుకున్న కరీనా, అతను రోజూ ఇంట్లో చేసే పని అదేగా అని నవ్వేసింది.  నేను ఇంట్లో ర్యాంప్ వాక్ చేస్తుంటే సైఫ్ చూస్తునేవుంటాడంది ఆమె.  

ఈ డ్రస్ లో ఇంత బావున్నారు కదా మరి మీవారికి ఏ రంగు అంటే ఇష్టం అని అంటే, ఆయనకి ప్రత్యేకంగా ఒక రంగంటే ఇష్టమంటూ ఏమీలేదు.  నన్ను అన్నిరంగులలోనూ ఒకేలా ఇష్టపడతారంటూ మరోసారి నవ్వింది కరీనా.  సైఫ్ ఇక్కడికి రాలేదే అని అనుకోవటం అనవసరం.   ఆయనకి ఉండే పనులు ఆయనకుంటాయి అందామె.

మరి మీకు ఎలాంటి డ్రస్సంటే ఇష్టం అని అడిగిన ప్రశ్నకు, పజామా, టి షర్ట్ అని తడుముకోకుండా చెప్పేసింది కరీనా.  నన్ను ఒకవేళ నాకిష్టమైన డ్రస్ లో ర్యాంప్ మీద నడవనిస్తే నేను అలాంటి డ్రస్ లోనే వచ్చేస్తా అంటూ మళ్ళీ నవ్వింది కరీనా.  ఎంతో కాలం సహజీవనం చేసిన తర్వాత పెళ్ళి చేసుకున్న ఆ జంట మధ్య ఎంత అవగాహన ఉండివుండాలో ఇట్టే అర్థమౌతుంది ఎవరికైనా.  

లాక్మే ఫాషన్ వీక్ లో ర్యాంప్ వాక్ కోసం కరీనాకు ప్రత్యేకంగా డ్రస్ ని డిజైన్ చేసినావిడ నమ్రతా జోషిపురా.

-శ్రీజ