Posted: 02/11/2013 04:55 PM IST

రాష్ట్రంలో  ఆధార్ కార్డుల  పై యుద్దం జరుగుతుంది. ఈనెల 15 తారీఖు లోపు  ఆధార్ కార్డు నెంబరు ఉంటేనే   వంట గ్యాస్ వస్తుందని కిరణ్ సర్కార్  గడువు పెట్టింది.  అయితే ఈ విషయం పై  హై కోర్టు  నోటీసులు జారీ చేసింది.  ఆధార్ కార్డు కోసం  రాష్ట్ర ప్రజలు   అనేక కష్టాలు పడుతున్నారు. ఆధార్ కార్డు  కేంద్రాల వద్ద ప్రజలు భారులు తీరి, ఆధార్ కార్డు కోసం  తమ ప్రాణాలనే పణంగా పెడుతున్నారు.  ఆధార్ కార్డు కేంద్రాల వద్ద తీవ్రమైన రద్దీ ఏర్పాడి  తొక్కిసలాట జరుగుతుంది. ఈ తొక్కిసలాటలో  కొంతమంది ప్రాణాలు కోల్పోయారు. వంటగ్యాస్‌కు ఆధార్ కార్డుల అనుసంధానంపై చమురు సంస్థలకు హైకోర్టు నోటీసులు జారీ చేసింది. దీనిపై వారంలోగా నివేదిక ఇవ్వాలని కోర్టు ఆదేశించింది. ఇతర రాష్ట్రాల్లో లేని నిబంధనలు ఆంధ్రప్రదేశ్‌లో ఎందు అమలు చేయనున్నారని ప్రభుత్వాన్ని హైకోర్టు ప్రశ్నించింది. వారంలోగా అఫిడవిట్ దాఖలు చేయాలని కోర్టు ఆదేశాలు జారీ చేసింది.

సబ్సిడీ వంటగ్యాస్‑పై ఆధార్ కార్డుల అనుసంధానాన్ని సవాల్ చేస్తూ హైకోర్టులో పిటిషన్ దాఖలైంది. దీనిపై స్పందించిన న్యాయస్థానం ఏడు రోజుల్లో నివేదిక ఇవ్వాలని చమురు సంస్థలతో పాటు, ప్రభుత్వానికి ఆదేశాలు జారీ చేసింది. మరోవైపు ఆధార్ సమర్పించే గడువుకు ఐదురోజులే మిగిలి ఉంది. ఆధార్‌పై ఆందోళన వద్దని అదనపు కేంద్రాలు ఏర్పాటు చేస్తామని ముఖ్యమంత్రి, పౌరసరఫరాల శాఖ మంత్రి హామీ ఇచ్చినా వాటిపై అనుమానాలు వీడటం లేదు.