Posted: 02/03/2013 05:38 PM IST

ప్రస్తుతం ప్రభుత్వం నుండి ఏ చిన్న లబ్ది పొందాలన్న, వంట సిలిండర్ తీసుకోవాలన్నా ఇప్పుడు ఆధార్ కార్డు తప్పని సరి చేస్తూ కేంద్రం నిర్ణయం తీసుకున్న విషయం తెలిసిందే. ఇప్పటికే సగానికి పైగా ఆధార్ కార్డులను జారీ చేశారు. అయితే ఈ ఆధార్ కార్డు గుర్తింపు కార్డు కిందకు వస్తుందా ? రాదా అనే దాని పై కేంద్ర కేబినెట్ మంత్రుల్లో కొందరు అనుమానాలు వ్యక్తం చేశారు. అయితే దీని పై అనుమానాలను తొలగించేందుకు, గుర్తింపు కార్దు కిందకు వస్తుందా రాదా అన్నదాని పై ప్రభుత్వం ఓ పరిశీలన కమిటీ కూడా వేసింది. ఈ కమిటీకి ప్రణాళికా సంఘం డిప్యూటీ ఛైర్మెన్ మాంటెక్ సింగ్ అహ్లూవాలియా నేత్రుత్వం వహించాడు. దీనిపై అతను మాట్లాడుతూ.. ఆధార్ అనేది కేవలం ఒక సంఖ్య మాత్రమేనని, అది గుర్తింపు కార్డు కాదని స్పష్టం చేశారు. "ఆధార్ అనేది వాస్తవంగా ఒక సంఖ్య. దానికి అనుబంధంగా ఉండే బయోమెట్రిక్ వివరాలు డేటాబేస్‌లో ఉంటాయి. ఆధార్ నెంబరు ఒక కార్డు రూపంలో వస్తుంది. కానీ, అది గుర్తింపు కార్డు కాదు. మీ దగ్గర నంబరు జాగ్రత్తగా ఉంటే, కార్డును నిక్షేపంగా చించి పారేయొచ్చు'' అని ఆయన తెలిపారు. నేను దాన్ని చించిపారేస్తా అని కూడా అన్నారు. మరి ఆయన మాటలు విని మీ కార్డును చించివేస్తే మీకు కష్టాలు తప్పవేమో సుమా... జాగ్రత్త.