Posted: 02/04/2013 10:37 AM IST

మనదేశంలో రోజు రోజుకు మహిళల పై అఘాయిత్యాలు, అత్యాచారాలు పెరిగిపోతున్న విషయం తెలిసిందే. మిగతా ప్రపంచ దేశాల్లో కంటే మనదేశంలో ఎక్కువ అత్యాచారాలు జరుగుతున్నాయి. దీనికి కారణం ఏమిటి ? మన భారతీయ చట్టాలేనా ? మిగతా దేశాల్లో అత్యాచారాలాకు పాల్పడితే... కఠినమైన శిక్షలు అమలు చేస్తారు. తప్పును బట్టి శిక్షను అమలు చేస్తారు. కొన్ని దేశాల్లో మరణ విక్షను విధిస్తారు. కానీ మనదేశంలో అత్యాచారం చేస్తే తగిన శిక్షకాదు కదా ? నిందుతుడిని కూడా పట్టుకోలేని సందర్భాలు కూడా ఉన్నాయి. కారణం మన వ్యవస్థ... చట్టాలు.. మనదేశంలో జరుతున్న నేరాలకు శిక్షలుపడుతున్న గణాంకాలను చూస్తే మన భారతీయ చట్టాలే ఇలాంటి సంఘటనలకు కారణం అవుతున్నాయని  జాతీయ నేరనమోదు గణాంక సంస్థ (ఎన్‌సీఆర్‌బీ) వెల్లడించిన సర్వేను బట్టి మనం అర్థం చేసుకోవచ్చు. 

జాతీయ స్థాయిలో 2009-11 మధ్య 68వేల రేప్ కేసులు నమోదుకాగా, 16 వేలమందికి మాత్రమే శిక్ష పడటం ఇందుకు నిదర్శనం. ఒక్క 2011లోనే మొత్తం 24,206 కేసులు నమోదైతే 5,724 మందికే శిక్ష పడింది. అలాగే 2010లో రేప్ కేసులు 22,172కాగా, దోషులుగా తేలినవారు 5,632 మంది మాత్రమే. ఇక 2009లో నమోదైన 21,397 కేసులలో 5,316 మందికి శిక్ష పడింది. మొత్తంమీద 2009-11 నడుమ మధ్యప్రదేశ్‌లో అత్యధికంగా 9,539 కేసులు నమోదయ్యాయి. వీటిలో 2,986 మందికి శిక్ష పడింది. పశ్చిమబెంగాల్‌లో 7,010 కేసులకుగాను అత్యల్పంగా 381 మంది మాత్రమే దోషులని కోర్టులు నిర్ధారించాయి. ఇక ఉత్తరప్రదేశ్‌లో 5,364 కేసులకుగాను 3,916 మందికి, అసోంలో 5,052 కేసులలో 517 మంది మాత్రమే దోషులుగా తేలారు. సాక్ష్యాల సేకరణలో దర్యాప్తు అధికారుల వైఫల్యమే శిక్షల శాతం తక్కువగా ఉండటానికి ప్రధాన కారణమని కేంద్ర హోంశాఖ పేర్కొంది . నేరాలు పెరిగిపోవడానికి కారణం మనభారతీయ చట్టాలు కూడా ఒక కారణంగా చెప్పవచ్చు.