Posted: 01/31/2013 12:27 PM IST

 పిల్లికి బిచ్చం పెట్టని టిఆర్ఎస్  అధినేత  కేసిఆర్  దేశానికి దశ, దిశను నిర్దేశించిన  జవహారల్ లాల్  నెహ్రూ , ఇందిరా గాంధీలను విమర్శిస్తారా?  అని విజయవాడ  ఎంపీ లగడపాటి  రాజగోపాల్  తీవ్రంగా  ధ్వజమెత్తారు. దేశాన్నే తిడుతున్న  కేసిఆర్  ఈ దేశానికి ఏం చేశారని  ప్రశ్నించారు.  సమైక్య  రాష్ట్రంలో  ఉండటం ఇష్టం  లేకపోతే  కేసిఆర్ ను దిక్కున్న  చోటికి వెళ్లిపొమ్మనండి. మాతో  ఉండమని  చెప్పామా?  సమైక్య రాష్ట్రంలోనే  కొనసాగాలని  కట్టేశామా?  ఆయన వెంట  నాలుగు కోట్ల మంది  ఉన్నారన్నది వట్టిమాట.  పట్టమని పదిమంది కూడా లేరు. ఇవన్నీ  తాటాకు చప్పుళ్లే.  రేపు ఎన్నికలోస్తే  ఈయన సత్తా ఏంటో  తెలుస్తుంది.  హైదరాబాద్ లో  కనీసం  కార్పొరేట్ ఎన్నికల్లో  కూడా పోటీ చేయలేని వీరి మాటలు  విని రాష్ట్రాన్ని విడగొట్టాలా? ఏకాభిప్రాయం  లేనందున  ఏమీ చే్యలేమని  ప్రధాని పార్లమెంటు లోపలా బయటా చెప్పారు.  ఇంత చెప్పిన  తర్వాత  కూడా రాష్ట్రం విడిపోదని  మీకు అర్థం  కాలేదా?  అని లగడపాటి  కేసిఆర్ మీద లడాయికి దిగారు.     అసలు కేసిఆర్  తెలుగు జాతికి  ఏం చేశారని  జాతీయ నాయకుల గురించి  మాట్లాడుతున్నారు.  కేంద్రం, రాష్ట్ర మంత్రిగా  ఒక్కరికైనా  భూమి పంచారా?  ఉద్యోగం  కల్పించారా? వీసమెతైనా సాయం చేశారా? అని లగడపాటి కేసిఆర్ ప్రశ్నించారు?  అంతేకాకుండా   నెహ్రూ కట్టించిన  నాగార్జురన  సాగర్ తోనే  నల్గొండ,  ఖమ్మం గుంటూరు,  క్రిష్ణా జిల్లాలు సస్యశ్యామలం అయిన విషయాన్ని మరిచిపోయారా అని ఆయన అన్నారు.

 సోనియా, మన్మోహన్ లు  రాష్ట్రంలో  రూ. 12 వేల కోట్ల రైతు రుణాల  మాఫీ  చేసి తెలంగాణ  జిల్లాలరైతులను అప్పుల  ఊబి నుంచి బయట పడేయలేదా?  అంతేకాకుండా   అమాయకులు ఆత్మహత్యలు  చేసుకుంటే ఆ సమాధులపై రాజకీయ  సౌధాలు  నిర్మించుకొని  రాబందులా  వ్యవహరిస్తున్న మీరు బాధిత  కుటుంబాలకు పైసా సాయం చేశారా అని లగడపాటి  అడుగుతున్నారు.   అంతేకాకుండా  రాష్ట్రం లో  90 శఆతం ప్రజలు నిశ్శబ్దంగా  ఉన్నా  సమైక్యమే  కోరుకుంటున్నారు.  10 శాతం  ప్రజలు  భయభ్రాంతులను  స్రుష్టించి  పార్టీల నోరు మూయించినా ప్రజల నోరు మాత్రం  మూయించలేరు అని ఆయన అన్నారు. అంతేకాకుండా  ఆయన కొడుకు కేటిఆర్ పై కూడా విమర్శలు చేశారు.  ఎక్కడో  అమెరికాలో   ఉద్యోగం  చేసుకుంటున్న  కేటిఆర్  ఉద్యమం  ఊపుమీదకొచ్చాక  దండుకోవచ్చనే ఉద్దేశంతో  ఇక్కడికొచ్చారు.   అప్పటి వరకు  ఆయనకు  తెలంగాణా గుర్తుకు రాలేదా అని లగడపాటి ప్రశ్నించారు.  రెండో ఎస్సార్సీ  తీర్మానం  చేసిన  నాడే తెలంగాణ  సహా చిన్న రాష్ట్రాలకు  వ్యతిరేకం  కాదని  కాంగ్రెస్ చెప్పింది. కానీ అది శాస్త్రీయంగా  జరగాల్సిందనని లగడపాటి అన్నారు.  కొసమెరుపు  ఐ లవ్ యు కేసిఆర్ (ఒక ముద్దు)