Posted: 01/26/2013 04:11 PM IST

ఆ స్వరంలో  స్వచ్చమైన పాటలు  తప్ప.. మాటలు రాని స్వరం ఆమెది. ఆ స్వరంతో  ఎంతో మంది సంగీత ప్రియులకు ఆనందాన్ని పంచారు. పాటల  లోకంలో మునిగిపోయి,  ప్రజల గుండెల్లో  గుడి కట్టుకుంది ఆమె.  ఆమె పాట వినబడితే చాలు.. ప్రక్రుతి సైతం పరవశించిపోతుంది. పాలు తాగే పసిపిల్లవాడి దగ్గర నుండి  పండు ముసలివాడి వరకు ఆమె స్వరం నుండి పాటల కోసం ఆశగా ఎదురుచూస్తుస్తారు. ఆమె పాటకు ముగ్ధులుగానీ మనుషులు ఎవరు ఉంటారు చెప్పండి?  అలాంటి ఆమె స్వరంలో  ఈ రోజు మాటలు బయటకు వచ్చాయి.  ఆమె ప్రభుత్వం చిన్నచూపు చూసింది. 55 ఏళ్లుగా పాడుతున్నా ఆమె పై ప్రభుత్వం చిన్నచూపు ఎందుకు చూసింది? అనే ప్రశ్న ఆమె అభిమానులు అడుగుతున్నారు. ఆమె ఎవరో కాదు  ప్రముఖ గాయని  ఎస్ జానకి.   ఈ రోజు  కేంద్రం ప్రకటించిన పద్మభూషణ్ అవార్డును ప్రముఖ గాయని ఎస్.జానకి తిరస్కరించారు. 55 ఏళ్లుగా పాడుతున్నా..ఇప్పుడు పద్మభూషణ్‌ను ఇచ్చారు. ఇన్నాళ్ళ తర్వాత తనకు ఇవ్వాల్సింది పద్మభూషణ్ అవార్డు కాదని, ఇంకా పెద్ద అవార్డు ఇవ్వాలని ఆమె అన్నారు. అయినా అవార్డుల కోసం తాను పాడలేదని, అభిమానుల కోసం పాడానని ఎస్.జానకి తెలిపారు. ఉత్తరాది వాళ్లకు ప్రాధాన్యం ఇస్తున్నారని, ఉత్తరాదివాళ్లతో మనమేం తక్కువ, గాయని సుశీలకు ఏం తక్కువ అని ప్రశ్నించారు. ఉత్తరాదివాళ్లకు భారతరత్నం ఇచ్చినప్పుడు తాము ఎందులో తక్కువ అని, పద్మవిభూషణ్‌కు కూడా పనికిరామా అని జానకి అన్నారు. భారతరత్న ఇస్తే సంతోషిస్తానని ఆమె తెలిపారు. ఇస్తే భారతరత్న తీసుకుంటానని మరే అవార్డు తీసుకోనని ఎస్.జానకి తేల్చిచెప్పారు. ఇన్నాళ్లుకు  ఎస్ జానకి  స్వరం నుండి నెలకు రాలిన మాటలు ఇవే?  జానకి ఎప్పుడు అవార్డుల కోసం  పాటలు పాడలేదు కానీ.. జనం కోసం పాటలు పాడెను.  అప్పుడు రాని అవార్డు ఇప్పుడెందు? ఇస్తే భరతరత్న ఇవ్వండి? ఈ అవార్డు నాకొద్దు అని జానకి తెల్చిపారేసింది.  ఎస్ జానకి అడగటంలో  తప్పు లేదని సంగీత ప్రియులు అంటున్నారు. ఈ విషయం ప్రభుత్వం ఆలోచించాలని ఆమె అభిమానులు అంటున్నారు.