Posted: 01/25/2013 01:49 PM IST

ఇప్పుడు  ముంబయి పోలీసులు కొత్త చర్యలు చేపట్టారు.  ముంబయిలో కనిపించే జంట పక్షులపై నిఘా పెట్టారు.  స్వేచ్చగా విహరించే  ప్రేమ పక్షులకు ఇక గడ్డుకాలం  రాబోతుంది.  ప్రేమ పక్షులు అంటే  పక్షి జాతికి సంబంధించిన విషయం కాదులేండి?  మనవజాతికి  సంబంధించిన విషయం.  ఏకాంతం కోసం  బీచ్ లు, ఫార్కులు, నిర్మానుష్య ప్రదేశాలలో  ప్రేమ జంటలు  విచ్చలవిడిగా కనిపిస్తాయి.  అక్కడ  ఆ ప్రేమ జంటలు చేసే రొమాన్స్  సన్నివేశాలు  చూసి ప్రక్రుతి సైతం కళ్లు మూసుకుంటుంది.  అలా ఆ ప్రేమ జంటలు  మైమరిచిపోయి ఏకాంత సేవ చేసుకుంటారు. కానీ ఇక నుండి ఏకాంత సేవాకు చెక్ పెడుతున్నారు ముంబయి పోలీసులు.  ఇలా ఈ ప్రేమ జంటలు  హద్దు మీరి  ప్రవర్తించటం వల్లే  కొత్త సమస్యలు వస్తున్నాయని  పోలీసులు గుర్తించారు.  ఇలాంటి జంటలు ఎలాంటి ప్రమాదంలో పడకూడదని భావించి  పోలీసులు గట్టి చర్యలు తీసుకుంటున్నారు.

ఏకాంత ప్రదేశాల్లో   జంటలకు  ఎలాంటి  నష్టం జరగకూడదని,  బాధితులుగా  మారకూడదనే   ఉద్దేశ్వంతో  నివారణ చర్యలు   చేపడతున్నామని  ముంబయి పోలీసులు అంటున్నారు.  అంతేకాకుండా  ప్రజలకు కొన్ని సూచనలు సూచించారు.   మీ పరిధిలోని   ఏకాంత  ప్రదేశాలపై  నిఘా పెట్టాలని  ముంబయి ప్రజలను పోలీసులు కోరారు.  ఏకాంత ప్రదేశంలో  ప్రేమ జంటలు  సమావేశమైతే వారిని వెళ్లిపొమ్మని విజ్నప్తి  చేయాలని పిలుపినిచ్చారు. 

ఇటీవల నిర్వహించిన  సమావేశంలో  ముంబయి పోలీసులకు  పోలీస్  కమిషనర్  సత్యపాల్  సింగ్  ఆదేశాలిచ్చారు.   ఏకాంత ప్రదేశం లో ఉన్న ప్రేమ జంటలను మొదట  వెళ్లిపొమ్మని చెప్పండి?  వారు నిరాకరిస్తే   వారిపై  బాంబే పోలీస్ యాక్ట్  ప్రకారం  చర్యలు తీసుకుంటామని  పోలీసులు తెలిపారు.  ఆయా ప్రేమ జంటలకు దుండగుల నుంచి ఎలాంటి  ముప్పు వాటిల్లకుండా  ఉండాలనే  ముందస్తు రక్షణ చర్యలు  తీసుకుంటామన్నామని ముంబయి పోలీసు అధికార ప్రతినిధ  అంబాదాస్  పోటే వివరించారు.

ఇలా  చేయటం పై ముంబయి ప్రజలు ఆనందం వ్యక్తం  చేస్తున్నారు.  కొన్ని ప్రేమ జంటలు వ్యతిరేకిస్తున్నాయి.  రక్షణ పేరుతో  ప్రేమ జంటలను  పోలీసులు  హించిస్తారని  ప్రేమ జంటలు అంటున్నాయి.   ఏకాంత ప్రదేశంలో ఉన్నంత మాత్రన ఇలాంటి చర్యలు తీసుకోవటం  మంచిదికాదని ప్రేమ జంటలు అంటున్నాయి.