Posted: 01/25/2013 01:20 PM IST

మెగా పవర్ స్టార్ రామ్ చరణ్ తేజ్ ఒకప్పటి హిందీ హిట్ సినిమా ‘జంజీర్ ’ రీమేక్ లో నటిస్తున్న విషయం తెలిసిందే. అయితే ఈ సినిమాని ఏ ముహుర్తాన మొదలు పెట్టారో కానీ, ఆది నుండి ఈ సినిమాకి అన్నీ అడ్డంకులే వచ్చిపడుతున్నాయి. ఇప్పుడు తాజాగా ఈ చిత్రానికి సంబంధించిన కాపీరైట్స్ విషయంలో మళ్లీ చిక్కు వచ్చిపడింది. ఈ సినిమా ఒరిజినల్ వెర్షన్ రచయితలు అయిన సలీమ్ ఈ చిత్రం విడుదల కావాలంటే ఆరు కోట్లు ఇస్తేనే విడుదల అవుతుందని తెగేసి చెప్పాడు. దీంతో దర్శకుడికి కొత్త తలనొప్పి వచ్చి పడింది. అపూర్వ లిఖియా దర్శకత్వం వహిస్తున్న ఈ సినిమా ఇప్పటికే యాభై శాతం షూటింగు పూర్తి చేసుకుంది. ఈ సినిమాకి సంబంధించిన ట్రైలర్స్ ని కూడా విడుదల చేశారు. ఇప్పుడు అసలు రచయిత ఈ సినిమా షూటింగుకు నేను అడ్డుపడటం లేదు.... కానీ రిలీజ్ కి ముందు ‘జంజీర్ ’ తెలుగు వెర్షన్ కి మూడు కోట్లు, హిందీ వెర్షన్ కి మూడు కోట్లు మొత్తం ఆరు కోట్లు ఇచ్చి విడుదల చేసుకోవచ్చని అనడంతో ఈ చిత్ర యూనిట్ అంతా షాక్ తింది. కాపీరైట్ బిల్లు ప్రకారం సినిమాలకు సంబంధించి రచయితకు కూడా రాయల్టీ హక్కు ఉంటుంది.

ఇక మరోవైపు మూవీ ప్రొడ్యూసర్ ప్రకాష్ మెహ్రా కొడుకుల మధ్య విభేదాలు తలెత్తాయి. దీని రైట్స్ విషయంలో వాళ్ళు కోర్టుకు కూడా ఎక్కారు. అయితే కోర్టు అనుమతి లేకుండా విడుదల మాత్రం చేయవద్దని చెప్పింది. అయితే సినీ జనాలు మాత్రం రామ్ చరణ్ తొలి బాలీవుడ్ చిత్రానికి అన్నీ కష్టాలే ఎదురవుతున్నాయని అనుకుంటున్నారు. మరి ఈ చిత్రం కష్టాలను ఎప్పుడు అధిగమించి ప్రేక్షకుల ముందుకు వస్తుందో చూడాలి.