Posted: 01/07/2013 05:33 PM IST

కాంగ్రెస్ పార్టీ తీసుకునే నిర్ణయం పై ఆ పార్టీ భవిష్యత్తు ఉంటుందని రాష్ట్ర ప్రజలు అంటున్నారు.  ఇప్పుటికి కరెంట్ చర్చీలు అనేక సార్లు పెంచిన ప్రభుత్వం మరోసారి  కరెంట్  షాక్ తో రాష్ట్ర ప్రజలకు  ఉగాది పండుగ చేసుకోమంటుంది.  దీనిపై రాష్ట్ర వ్యాప్తంగా నిరసనలు  వెల్లువెత్తున్నాయి. రాష్ట్ర ముఖ్యమంత్రి నల్లారి  కిరణ్ కుమార్ రెడ్డి సరైన నిర్ణయాలు తీసుకోవటం లేదని  టీడీపీ అధినేత చంద్రబాబు నాయకుడు మండిపడ్డారు.  రాష్ట్ర ప్రజల  పై   కరెంట్ ఛార్జీలు  అధనంగా  వేయాలని  చూస్తున్నాడని  ఆయన అన్నారు.  రాష్ట్రంలో కాంగ్రెస్ పార్టీ విద్యుత్ రంగాన్ని నిర్వీర్యం చేస్తోందని చంద్రబాబునాయుడు ఆరోపించారు. వస్తున్నా...మీకోసం కార్యక్రమంలో భాగంగా 94వ రోజు పాదయాత్రను నరసింహులపేట మండలం కొమ్ములవంచ నుంచి ప్రారంభించారు. అక్కడి రైతులను బాబు పరామర్శించారు. అనంతరం ప్రజలనుద్దేశించి మాట్లాడుతూ టీడీపీ హయాంలో సంస్కరణలు తీసుకుని వచ్చి మిగులు కరెంట్ కల్గిస్తే , కాంగ్రెస్ ప్రభుత్వ పథకాలు విద్యుత్ వ్యవస్థను నాశనం చేశాయని విమర్శించారు. దేశంలో ఎక్కడా లేని విధంగా విద్యుత్ చార్జీలు పెంచిన ఘనత ఈ సర్కారుకే దక్కుతుందని చంద్రబాబు ఎద్దేవా చేశారు. ధరల పెరుగుదలకు కాంగ్రెస్ ప్రభుత్వమే కారణమని, ధరలు పెంచడంతో ప్రజలు కష్టాల పాలయ్యారన్నారు. ప్రజల కష్టాన్ని, చెమటను దోచుకుంటూ ప్రభుత్వం పందికొక్కులా పెరిగిందని బాబు మండిపడ్డారు. టీడీపీ అధికారంలోకి వస్తే ప్రజలందిరికీ మంచి నీటిని అందిస్తామన్నారు. వృద్ధులకు, వితంతువులకు రూ.600 పింఛను ఇస్తామని, పేదవారందరికీ లక్ష రూపాయలు ఖర్చు పెట్టి సొంత ఇల్లు కట్టిస్తామని బాబు హామీ ఇచ్చారు. అయితే  సీఎం  రైతులకు ఉచిత విద్యుత్ కొనసాగిస్తాం అని అంటున్నారు. విద్యుత్ ఛార్జీల పెంపుపై రాష్ట్ర వ్యాప్తంగా ప్రజలు, పార్టీల నుంచి సర్వత్రా నిరసనలు వ్యక్తమవడంతో ఛార్జీల పెంపుపై ప్రభుత్వం వెనక్కి తగ్గింది. ఇకపై కూడా రైతులకు ఉచిత విద్యుత్ కొనసాగిస్తామని సీఎం కిరణ్‌కుమార్‌రెడ్డి స్పష్టం చేశారు. గృహ వినియోగదారులపై కరెంట్ ఛార్జీల పెంపు ప్రతిపాదనేదిలేదని వెల్లడించారు. అయితే ఇంధన సర్దుబాటు పూర్తిస్థాయిలో ఉండకపోవచ్చని పేర్కొన్నారు