Posted: 01/02/2013 05:27 PM IST

ఢిల్లీ సామూహిక అత్యాచార  బాధితురాలిపై  కేంద్ర మానవ వనరుల శాఖ సహాయ మంత్రి శశిథరూర్  మరోసారి వివాదాస్పద వ్యాఖ్యలు  చేశారు.  ఢిల్లీ సామూహిక  అత్యాచార బాధితురాలి పేరును  వెల్లడించకుండా  ఉండడం వల్ల  ప్రయోజనం ఏమిటో  అర్థం కాలేదని  ఆయన అన్నారు.  ఆమె పేరును  దైర్యంగా  వెల్లడించి  గౌరవిస్తే  తప్పేంటి?  అని  ఆయన ట్విట్టర్  పేర్కొన్నారు.  బాధితురాలి తల్లిదండ్రులకు అభ్యంతరం లేకపోతే  పునస్సమిక్షించిన అత్యాచార నిరోధక  చట్టానికి ఆమె పేరును  పెట్టాలని ఆయన డిమాండ్ చేశారు.  ఆమె  కూడి  మనిషే,  ఆమెకో పేరుంది కదా అని థరూద్  అన్నారు. ప్రస్తుత చట్టం ప్రకారం  అత్యాచార  బాధితుల  గుర్తింపును  , పేర్లను  వెల్లడించడం లేదా ప్ర.చురించడం చేయకూడదు. భారత శిక్షా స్మ్రుతిలోని సెక్షన్ 228 ఏ ప్రకారం  బాధితుల  వివరాలు వెల్లడించడం నేరం , బాధితురాలిని గుర్తించేలా  కథనం ప్రచురించిన  ఓ ఆంగ్ల  దినపత్రిక పై ఢిల్లీ పోలీసులు  ఇప్పటికే  కేసు నమోదు చేశారు.  మరో వైపు  థరూర్  వ్యాఖ్యలకు వెంటనే స్పందన వచ్చింది.  ఆయనకు  కొందరు మద్దతివ్వగా,  మరికొందరు ఆయన సలహాను ప్రశ్నిస్తున్నారు. అయితే  శశిథరూర్  వ్యాఖ్యల పై కొత్త వివాదం రేగింది. దీనిపై బాధితురాలి కుటుంబ సభ్యులు స్పందించినట్లు తెలుస్తోంది.  మహిళల పై లైంగిక నేరాల  చట్టానికి  సవరణలు చేసి ఢిల్లీ  ఘటనలో  మరణించిన  యువతి పేరు పెట్టాలన్న  కేంద్ర మంత్రి శశిథరూర్  అభిప్రాయానికి ఆమె కుటుంబ సభ్యులు  మద్దతు లభించింది. కఠిన చట్టాన్ని  రూపొందించి  దానికి  తమ కుమార్తె  పేరు పెడితే  తమకేమీ అభ్యంతరం  లేదని  బాధితురాలి తండ్రి, సోదరులు ఈరోజు ఢిల్లీలో ప్రకటించారు.  ఆ చర్య దైర్యంగా  పోరాడి ప్రాణాలు కోల్పోయిన  తమ బిడ్డకు  గౌరవమే అవుతుందని  వారు భావిస్తున్నారు.  అందుకోసం  ఆమెను పేరును బహిర్గత పరచడానికి తమకేమీ అభ్యంతరం లేదని కుటుంబ సభ్యులు అన్నారు. దీనిపై  ప్రభుత్వం ఏవిధమైన చర్యలు తీసుకుంటుందో చూడాలి..