Posted: 12/14/2012 08:59 AM IST

ఇవాళ డిసెంబర్ 14వ తేది. డిసెంబర్ 21వ తేదిన యుగాంతం వచ్చి ప్రపంచం నాశనం అవుతుందని చాలా రోజుల నుండి ప్రచారం సాగుతుంది. మరి ఈ తేది రావడడానికి ఇంకా సరిగ్గా ఏడు రోజులు మాత్రమే ఉంది. మరి అప్పుడు యుగాంతం వస్తుందా అంటే రాదనే ఖచ్చితంగా చెబుతున్నారు నాసా శాస్ర్తవేత్తలు.... యమన్ కేలండర్ అంచనా వేస్తున్న ప్రచారం యుగాంతం వచ్చే అవకాశం లేదని, ఒకవేళ ఏదైనా గ్రహం శకలం భూమిని ఢీకొనడం లేదా సూర్యుని నుంచి విపరీతమైన మైన రేడియేషన్ వెలువడటం వంటి ఉపద్రవాలు వాటిల్లే అవకాశమే లేదని వాదిస్తోంది. దీని పై ప్రజల్లో ఉన్న అపనమ్మకాన్ని పోగొట్టేందుకు 'వై ది వరల్డ్ డింట్ ఎండ్ ఎస్టర్ డే' పేరుతో ఓ వీడియోను విడుదల చేసింది. అయితే వాస్తవానికి ఈ వీడియోను ఈనెల 22న విడుదల చేయాలి. కానీ ప్రజలకు ఎలాంటి ముప్పు వాటిల్లే ప్రమాదం లేదని చెప్పేందుకు విడుదల చేశాం అని నాసా శాస్త్రవేత్తలు అంటున్నారు.   మయన్ కేలండర్‌లో 5,125 ఏళ్లకో కాలచక్రం పూర్తవుతుందని, 21 తర్వాత మరో కాలచక్రం మొదలవుతుందే తప్ప, మరికొన్ని వందల ఏళ్ల వరకు భూమికి ఎలాంటి ముప్పు లేదని వివరించారు. గతంలో కూడా  1979లో స్కైలాబ్ ఒకటి కూలిపోతోందన్న వార్త ప్రచారంలోకి రావడంతో ఇండియా అంతటా భయాందోళనలు ఏర్పడ్డాయి. ఎవరికి వారు తమ ప్రాంతంలో పడుతుందంటే తమ ప్రాంతంలో పడుతుందని ప్రచారం చేసుకుని ఇష్టం వచ్చినట్లు ఆస్తులు ఖర్చుపెట్టుకొని దివాళ తీసిన అమాయకులు ఉన్నారు. సో... మీరు నిశ్చింతగా ఉండండి.