Posted: 11/29/2012 10:02 AM IST

సౌత్ ఇండియా సూపర్ స్టార్ రజినీ కాంత్ మళ్ళీ మణిరత్నం దర్శకత్వంలో నటించబోతున్నారా ? అంటే కోలీవుడ్ వర్గాలు అవుననే అంటున్నాయి. ఎప్పుడో 1991 సంవత్సరంలో వీరిద్దరి కాంబినేషన్ లో వచ్చిన ‘తలబది ’ రజినీకాంత్ కెరియర్ లోనే ఓ మైలురాయిగా నిలిచింది. మళ్ళీ ఇన్ని సంవత్సరాల తరువాత వీరిద్దరి కాంబినేషన్ లో ఓ చిత్రం రాబోతున్నట్లు వార్తలు. ప్రస్తుతం మణిరత్నం తీస్తున్న ‘కడలి ’ చిత్రం తరువాత వీరిద్దరి సినిమా ప్రారంభం అవుతుందని అంటున్నారు. కొత్త సినిమాకు సంబంధించి వీరిద్దరూ కలిసి చర్చించుకున్నట్లు, త్వరలోనే దీన్ని సెట్స్ పైకి తీసుకెళ్లనున్నట్లు సమాచారం. ఈ మేరకు మణిరత్నం ఓ స్టోరీ లైన్ ని రజనీకాంత్ కి చెప్పి ఒప్పించినట్లు తెలుస్తోంది. ఈ చిత్రాన్ని ఓ తమిళ నిర్మాణ సంస్థ నిర్మించనున్నారని, రజినీకాంత్ ఇప్పటి వరకు చేసిన చిత్రాకలంటే ఎక్కువ బడ్జెట్ తో ఈ సినిమా తెరకెక్కిస్తారని అంటున్నారు.

రజనీకాంత్ కి సరపడ మాస్ ఇమేజ్ ని, తనదైన క్లాస్ స్టైల్ లో మరోసారి ఆవిష్కరించనున్నారని అంటున్నారు. ఇక మణిరత్నం చిత్రం అనగానే మార్కెట్ వర్గాల్లో అప్పుడే కలకలం మొదలైంది. ఓ రేంజిలో బిజినెస్ జరుగుతుందో అని ట్రేడ్ లో లెక్కలు వేసుకుంటున్నారు. ఇక తన చిన్న కుమార్తె సౌందర్య దర్శకత్వంలో రజనీకాంత్‌ హీరోగా నటించిన 'విక్రమసింహా'సంక్రాంతిరోజున ప్రేక్షకుల ముందుకు రానుంది. రజనీకాంత్‌ నటించిన 'విక్రమసింహ'ను 12-12-12 అనే అరుదైన తేదీన తెరపైకి తీసుకురావాలనుకొన్నారు . ఏది ఏమైనా మళ్లీ వీరిద్దరి కాంబినేషన్ లో సినిమా రావడం నిజంగా సంతోషించాల్సిన విషయమే.