Posted: 11/27/2012 06:17 PM IST

మొన్నటి వరకు తెలుగుదేశం పార్టీలో రెండోస్థానంలో ఉన్న నాయకుడిగా పేరుతెచ్చుకొని కేవలం తెలంగాణ కోసమే ఆ పార్టీ నుండి బయటకు వచ్చి తన ఎమ్మెల్యే పదవి రాజీనామా చేసి, మళ్లీ సొంత అభ్యర్థిగా పోటీ చేసి గెలిచిన నాగం జనార్థన్ రెడ్డి. కేవలం తెలంగాణ కోసమే నేను పార్టీ విడినట్లు అనేక సార్లు చెప్పటం జరిగింది.  తెలంగాణ కోసం పొరాడే  టీఆర్ఎస్ పార్టీలోను కలవకుండా, ఇటు బీజేపి పార్టీ దగ్గరవుతూ.. ఇప్పుడు పాదయాత్ర చేస్తున్నారు. ఎటూ భరోసా లేని నాగం ..తెలంగాణ కోసం భరోసా యాత్ర చేస్తున్నాడు. అయితే యాత్రలో బాగంగా  తెలంగాణ వచ్చే వరకు తాను నిద్దపోనని .. ఎవ్వర్ని నిద్రపోనివ్వనని చంద్రబాబు డైలాగు చెప్పుకుంటూ పాదయాత్ర చేస్తున్నాడు.  గతంలో చంద్రబాబు అధికారంలో ఉన్నప్పుడు  ‘‘ నేను నిద్రపోను..ఎవ్వరిని నిద్రపోనివ్వనని’’ పదే పదే మీడియా ముందు చెప్పేవాడు. ఇప్పుడు నాగం జనార్థాన్ రెడ్డి  భరోసా పాదయాత్రలో  ప్రజలకు చెబుతున్నాడట. అయితే నాగం చెప్పే డైలాగు విని తెలంగాణ ప్రజలు నవ్వుకుంటున్నారని మీడియా వారు అంటున్నారు. తెలుగుదేశం పార్టీ నుండి బయటకు వచ్చినప్పటికి నాగం దగ్గర చంద్రబాబు వాసన పోలేదని తెలంగాణ ప్రజలు అంటున్నారు.  నాగం రంగారెడ్డి జిల్లా గండేడు  మండలం  నుంచి ఆయన తెలంగాణలో భరోసా యాత్రను ప్రారంభించారు.  ఈ సదర్భంగా  ఆయన మాట్లాడుతూ  తెలంగాణ కోసం విద్యార్థులు ఆత్మబలిదానాలు చేసుకోవద్దని  నాగం కోరారు.