Posted: 11/14/2012 04:38 PM IST

కోలివుడ్ నుండి టాలీవుడ్ వరకు ఇప్పుడు వినబడుతున్న పేరు అంజలి. హీరోలు, నిర్మాతలు, దర్శకులు, అందరు అంజలి పేరునే కలవరిస్తున్నారు.  అంజలి కోసం దర్శక నిర్మాతలు  ఎదురు చూస్తున్నారు.  అంజలి వచ్చిన అవకాశలను సద్వినియోగం చేసుకోవటంలో చాలా విఫలం అవుతుందనే మాటలు వినిపిస్తున్నాయి. ఇటీవల జరిగిన ఒక సినిమా షూటింగ్ లో అంజలి చేసిన గొడవ రచ్చ అయిందని  సినీ జనాలు అంటున్నారు. ఆర్యతో లిప్‌లాక్ సన్నివేశానికి అంజలి నో అనడంతో చిత్ర యూనిట్‌లో చర్చనీయాంశమైంది. దర్శకుడు ఆ సన్నివేశం ప్రాముఖ్యం గురించి ఎంతగా వివరించినా ససేమిరా అన్న అంజలి ఆర్య నచ్చజెప్పడంతో ఓకే అందట. ఆర్య, అంజలి, హన్సిక హీరో హీరోయిన్లుగా నటిస్తున్న చిత్రం సేట్టై. హిందీలో హిట్ అయిన ఢిల్లీబెల్లి చిత్రానికి రీమేక్‌గా రూపొందుతున్న ఈ చిత్రానికి కన్నన్ దర్శకుడు.ఈ చిత్ర షూటింగ్ ఇటీవల ముంబయిలో జరిగింది. అక్కడ ఆర్య, అంజలి మధ్య లిప్‌టు లిప్ ముద్దు సన్నివేశాన్ని చిత్రీకరించడానికి దర్శకుడు ప్లాన్ చేశారు. యూనిట్ అంతా షూటింగ్‌కు సిద్ధం అయిన తరువాత అంజలి ముద్దు సన్నివేశంలో నటించనని మొండికేసిందట. దీంతో అవాక్ అయిన దర్శకుడు హిందీలో ఈ సన్నివేశం చోటు చేసుకుందని దీన్ని ప్రాముఖ్యత గురించి ఎంతగా వివరించినా కుదరదని చెప్పిందట. చివరికి ఆర్య కలుగజేసుకుని అంజలికి నచ్చజెప్పడంతో ముద్దు సన్నివేశంలో నటించడానికి సమ్మతించిందట. దీని గురించి దర్శకుడు కన్నన్ మాట్లాడుతూ చిత్రంలో ఆర్య, అంజలి మధ్య ముద్దు సన్నివేశం ప్రాముఖ్యత ఉంటుందన్నారు. ఈ కారణంగానే అంజలిపై వత్తిడి చేయాల్సి వచ్చిందని తెలిపారు.