https://www.teluguwishesh.com/
Petrol Pump Owner Escapes Kidnapping Attempt In UP వారణాసీలో పెట్రోల్ బంకు యజమాని కిడ్నాప్ చేయబోయి..
నేరగాళ్లు తమ నేరాలకు కొత్త బాష్యాలు చెబుతూ కేరాఫ్ అడ్రస్ గా మారుతున్నారు. ఒక్కప్పుడు కిడ్నాప్ లు, గట్రాలు చేయాల్సిన సమయంలో ఏదో నమ్మకాలతో తీసుకెళ్లి తరువాత కుటిల బుద్దిని బయటపెట్టే రోజులు పోయి.. బాహాటంగా అందరి ఎదుట నేరాలకు పాల్పడుతూ పోలీసులకే సవాల్ విసురుతున్నారు. ఇక మరీ ముఖ్యంగా దేశంలోనే అత్యంత పెద్ద రాష్ట్రమైన ఉత్తర్ ప్రదేశ్ లో నేరాలను అక్కడి ప్రభుత్వం ఉక్కుపాదం మోపిందని పాలకపక్ష నేతలు ఎన్ని గొప్పలకు పోయినా.. నేరాలు మాత్రం ఇప్పటికీ అధికంగానే నమోదవుతున్నాయి. ఒక పెట్రోల్ బంకు యజమానిని అపహరించే తరుణంలో ఆ బంకు సిబ్బంది ఎలా అడ్డుకున్నారన్న నేపథ్యంలో నెట్టింట్లో విపరీతంగా వైరల్ అవుతున్న ఒక వీడియో అక్కడి నేరాలు జరుగుతున్న క్రమానికి అద్దం పడుతోంది.
ఉత్తర్ ప్రదేశ్ లోని ఓ పెట్రోల్ బంక్‌ యజమానిని కిడ్నాప్ చేసేందుకు కొందరు వ్యక్తులు ప్రయత్నించగా, బంక్‌లో పని చేసే సిబ్బంది, ఇతరులు అడ్డుకుని అతడ్ని కాపాడారు. బీజేపీ పాలిత ఉత్తర ప్రదేశ్‌లో.. అందులోనూ ఏకంగా ప్రధాని నరేంద్రమోడీ ప్రాతినిధ్యం వహించే వారణాసిలో ఈ సంఘటన జరిగింది. శివపురిలోని తర్నా ప్రాంతంలో ఉన్న పెట్రోల్ బంక్‌ వద్దకు నలుగురు వ్యక్తులు ఎస్‌యూవీలో వచ్చారు. కారులో పెట్రోల్ నింపుకున్న తర్వాత పెట్రోల్ బంక్‌ యజమానితో ఒక వ్యక్తి వాగ్వాదానికి దిగాడు. మరో ఇద్దరు వ్యక్తులు కారును తమ వద్దకు తీసుకుని రావాలంటూ డ్రైవ్‌ చేస్తున్న వ్యక్తికి సైగ చేశారు.
దీంతో ఆ కారు వారి వద్దకు రాగా పెట్రోల్ బంక్‌ యజమానిని బలవంతంగా అందులోకి ఎక్కించి కిడ్నాప్ చేసేందుకు ప్రయత్నించారు. కాగా, దీనిని గమనించిన పెట్రోల్ బంక్‌లో పని చేసే సిబ్బంది వెంటనే స్పందించారు. కారు వద్దకు పరుగెత్తుకుని వెళ్లి యజమానిని కిడ్నాప్ చేసే ప్రయత్నాన్ని అడ్డుకున్నారు. అక్కడ ఉన్న కస్టమర్లతో కలిసి అతడ్ని కాపాడారు. దీంతో ఆ నలుగురు వ్యక్తులు కారులో అక్కడి నుంచి పారిపోయారు. మరోవైపు పెట్రోల్ బంక్‌ యజమాని ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు. అక్కడున్న సీసీటీవీలో రికార్డైన ఫుటేజ్‌ను పరిశీలించారు. నిందితులను గుర్తించి అరెస్ట్‌ చేస్తామని పోలీస్‌ అధికారి తెలిపారు. కాగా, సీసీటీవీలో రికార్డైన వీడియో క్లిప్‌ సోషల్‌ మీడియాలో వైరల్ అయ్యింది.
Caught On Camera: Petrol Pump Owner Escapes Kidnapping Attempt In UP https://t.co/aNmycAzLhN pic.twitter.com/4J0Kt3aVLn
— NDTV (@ndtv) October 1, 2022
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm
