రానున్న 4 రోజుల్లు తెలుగు రాష్ట్రాలకు భారీ వర్ష సూచన.. పలు జిల్లాలకు ఎల్లో అలర్ట్

Posted: 09/05/2022 12:07 PM IST

Imd issues yellow alert for 4 days in parts of telangana and andhra pradesh

తెలుగు రాష్ట్రాలకు రానున్న నాలుగు రోజులపాటు భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం వెల్లడించింది. ఈ మేరకు వాతావరణ శాఖ ప్రకటన జారీ చేసింది. తెలంగాణ, ఆంధ్రప్రదేశ్ లోని పలు జిల్లాల్లో మోస్తరు నుంచి భారీ వర్షాలు కురిసే అవకాశం ఉందని పేర్కొంది. తెలంగాణలోని పలు జిల్లాల్లో నాలుగు రోజు‌ల‌పాటు భారీ వర్షాలు కురిసే అవ‌కాశం ఉన్నదని హైద‌రా‌బాద్‌ వాతా‌వ‌రణ కేంద్రం తెలి‌పింది. అటు ఆంధ్రప్రదేశ్ రాష్ట్రంలోనూ రానున్న నాలుగు రోజుల పాటు భారీ వర్షలు కురుస్తాయని అధికారులు తెలిపారు.

దీంతో ఇప్పుడిప్పుడే వరుణుడి నుంచి సేద తీరుతున్న ప్రజలకు మళ్లీ పిడుగులాంటి వార్తతో అందోళన చెందుతున్నారు. నేడు నిర్మల్‌, జగి‌త్యాల, కరీంన‌గర్‌, భద్రాద్రి కొత్తగూడెం, ఖమ్మం, నల్లగొండ, సూర్యా‌పేట, జన‌గామ, యాదాద్రి, వికా‌రా‌బాద్‌, సంగా‌రెడ్డి, మహ‌బూ‌బ్‌‌న‌గర్‌, వన‌పర్తి, నారా‌య‌ణ‌పేట జిల్లాల్లో అక్కడ‌క్కడ భారీ వర్షాలు కురిసే అవ‌కాశం ఉన్నదని ప్రాథ‌మిక హెచ్చరిక జారీ చేసింది. ఆగ్నేయ మధ్యప్రదేశ్‌ నుంచి మరా‌ఠ్వాడ, మధ్య మహా‌రాష్ట్ర, అంత‌ర్గత కర్ణా‌టక మీదుగా కొమో‌రిన్‌ ప్రాంతం వరకు సముద్ర మట్టా‌నికి 0.9 కిలో‌మీ‌టర్ల ఎత్తు వరకు ఉత్తర-ద‌క్షిణ ద్రోణి కొన‌సా‌గు‌తు‌న్నదని పేర్కొ‌న్నది.

దీని ప్రభా‌వంతో ఈ నెల 8 వరకు వర్షాలు కురిసే అవ‌కాశం ఉన్నదని వివ‌రిం‌చింది. అటు ఆంద్రప్రదేశ్ రాష్ట్రంలోనూ పలు జిల్లాలతో పాటు గ్రామీణ ప్రాంతాలపై వరుణుడు తన ప్రభావాన్ని చూపనున్నాడు. దీనికి తోడు ఉరుములు, మెరుపులతో పాటు పిడుగులు కూడా పడే అవకాశముందని వాతావరణ శాఖ అధికారులు తెలిపారు. కాగా, మంగళవారం తెలంగాణలోని నిర్మల్‌, జగిత్యాల, కరీంనగర్‌, భద్రాద్రి కొత్తగూడెం, ఖమ్మం, నల్లగొండ, సూర్యాపేట, జనగాం, యాదాద్రి భువనగిరి, వికారాబాద్‌, సంగారెడ్డి, మహబూబ్‌నగర్‌, వనపర్తి, నారాయణపేట జిల్లాల్లో అక్కడక్కడ భారీ వర్షాలు కురిసే అవకాశం ఉందని చెప్పింది.