అమెరికాలో భారతీయ మహిళలపై జాతి వివక్ష.. దాడి చేసిన మెక్సికన్..

Posted: 08/26/2022 12:12 PM IST

అగ్రరాజ్యం అమెరికాలో నలుగురు భారత సంతతి మహిళలు అమెరీకాయేత మహిళ చేతిలో జాతి వివక్షకు గురయ్యారు. ఓ టెక్సాస్​ మహిళ.. వారిని తీవ్రంగా దూషించింది. ఘటనకు సంబంధించిన దృశ్యాలు సామాజిక మాధ్యమాల్లో వైరల్​గా మారాయి. టెక్సాస్​లోని డల్లాస్​లో స్థానిక కాలమానం ప్రకారం బుధవారం రాత్రి ఈ ఘటన చోటుచేసుకుంది. నలుగురు ఇండియన్​ అమెరికన్​ మహిళలను ఓ చోట కలసి మాట్లాడుకుంటున్న తరుణంలో.. వారి చెంతకు వచ్చిన మెక్సికన్ మహిళ వారిపై జాతి విద్వేష వ్యాఖ్యలు చేసింది. తమ దేశం నుంచి వెళ్లిపోవాలని.. వారి యాస అమెకు నచ్చడం లేదని తెలిపింది.

అంతేకాదు ముందుగా ఒకరిపై దాడి చేసిన మహిళ ఆ తరువాత ఒక్కోక్కరిగా మొత్తం ముగ్గురు భారతీయ మహిళలపై దాడి చేసి.. అగ్రరాజ్యం నుంచి వెళ్లిపోవాలని డిమాండ్​ చేసింది. "ఐ హేట్​ యూ ఇండియన్స్​. మంచి జీవితం కోసం మీరు మా దేశానికి వచ్చారు. ఇక్కడ అంతా ఫ్రీగా కావాలని ఆశిస్తున్నారు. నేను ఓ మెక్సికన్​-అమెరికన్​. నేను ఇక్కడే పుట్టాను," అని వైరల్​ వీడియో ఆ మహిళ గట్టిగా అరవడం కనిపించింది. ఆ మహిళ పేరు ఎస్మెరాల్డా అప్టన్ అని తెలుస్తోంది. ఈ వీడియోను.. బాధితుల్లో ఒకరు తమ కెమెరాలో బంధించారు. బాధితుల్లో ఒకరు.. ఆ మహిళను శాంతిపజేసేందుకు ప్రయత్నించినా ఫలితం దక్కలేదు.

"మేము అమెరికన్లము కాదని మీకు ఎందుకు అనిపిస్తోంది?" అని ఓ బాధితురాలు అడగ్గా.. "మీరు మాట్లాడే విధానంతో(యాక్సెంట్​) అంతా తెలిసిపోతోంది. నేను మెక్సికన్​- అమెరికన్​. అందుకే నేను ఇంగ్లీష్​లో మాట్లాడుతున్నా," అని అప్టన్​ బదులిచ్చింది. "ఇండియాలో జీవితం బాగుంటే.. మీరు అమెరికాలో ఎందుకు ఉంటున్నారు? అక్కడికే వెళ్లిపోండి," అని ఆ మహిళ గట్టిగా అరవడం వైరల్​ వీడియోలో రికార్డు అయ్యింది. బాధితురాలు.. కెమెరాలో వీడియో తీస్తుండటాన్ని చూసిన అప్టన్​.. ఆమెపై దాడికి దిగింది. కెమెరా ఆఫ్​ చేయాలని డిమాండ్​ చేసింది. ఈ దృశ్యాలు ప్రస్తుతం సామాజిక మాధ్యమాల్లో వైరల్​గా మారింది. నెటిజన్లు ఆ మహిళపై మండిపడుతున్నారు.

దీనిని హేట్​ క్రైమ్​గా పరిగణించి.. ఆ మహిళను కఠినంగా శిక్షించాలని డిమాండ్​ చేస్తున్నారు. తక్షణమే చర్యలు చేపట్టాలని సోషల్​ మీడియాలో పోస్టులు చేస్తున్నారు. "ఇది చాలా భయంకరంగా ఉంది. ఆమె వద్ద గన్​ ఉంది. ఇంగ్లీష్​లో మాట్లాడుతుంటే.. వేరే యాక్సెంట్​ వస్తోందన్న కారణంగా.. ఆ మహిళ.. ఆ భారత సంతతి మహిళలను చంపేందుకు సిద్ధపడింది. ఆమెపై కఠిన చర్యలు తీసుకోవాలి," అని డెమొక్రటిక్​ పార్టీ కార్యకర్త రీమా రసూల్​ ట్వీట్​ చేశారు. ఘటనపై స్పందించిన టెక్సాస్​ పోలీసులు.. నిందితురాలిని అరెస్ట్​ చేసినట్టు వివరించారు. హేట్​ క్రైమ్​ కింద దర్యాప్తు చేపట్టినట్టు స్పష్టం చేశారు.

This racist attacking these innocent women is Esmi Upton of Plano, Texas. Full name: Esmeralda Armendarez-Upton, she is a realtor for California Federal Bank. She is a parishioner at Prince of Peace Catholic Church in Plano, TX.

She wants to be famous for all the wrong reasons. pic.twitter.com/psYfOQpNW0

— Johnny Akzam (@JohnnyAkzam) August 25, 2022