జొమాటో డెలివరీ బాయ్ అర్థాంగి బాధ్యతలు: ఆర్జనతో పాటే బిడ్డల ఆలనా పాలన..

Posted: 08/23/2022 05:04 PM IST

సోషల్ మీడియా అందుబాటులోకి వచ్చిన తరువాత ఎవరు ఎప్పుడు ఎలా హీరోలుగా మారునున్నారో ఎవరికీ తెలియకుండా పోతోంది. అయితే ఇలా హీరోగా నిలవాలంటే.. వారిలో ప్రత్యేమైన ఓ అలవాటు ఉండాలి. అంతేకాదు దీనిని గుర్తించి సామాజిక మాద్యమాల ద్వారా పబ్లిక్ లోకి తీసుకువెళ్లే మంచి వ్యక్తులు కూడా ఉండాలి. ఈ రెండు కలగలసిన నాడు.. హీరోలుగా నిలవడం కష్టమేమి కాదని తాజాగా మరో ఘటన నిరూపించింది. జొమాటో డెలివరీ బాయ్​కి సంబంధించిన కథ సామాజిక మాధ్యమాల్లో వైరల్​గా మారింది. తన ఇద్దరు బిడ్డలను మోస్తూ.. అతను ఫుడ్​ డెలివరీ చేసేందుకు వెళుతుండటం వార్తలకెక్కింది.

ఫుడ్​ బ్లాగర్​ సౌరభ్​ పంజ్వాని.. ఈ వీడియోను తన ఇన్​స్టాగ్రామ్​లో షేర్​ చేశాడు. ఓ జొమాటో డెలివరీ బాయ్​ని వీడియో తీశాడు. అతడిని తన ఫాలోవర్లకు పరిచయం చేశాడు. ఆ డెలివరీ బాయ్​.. తన పసి పాపను మోస్తూ కనిపించాడు. మరో బిడ్డ.. అతని పక్కనే ఉన్నాడు. "నాకు చాలా ఇన్​స్పైరింగ్​గా అనిపించింది. ఈ జొమాటో డెలివరీ బాయ్​.. తన ఇద్దరు బిడ్డలతో కలిసి ఫుడ్​ డెలివరీ చేస్తున్నాడు. రోజంతా ఎండలోనే ఉంటున్నారు. మనిషికి ఏదైనా కావాలంటే.. దానిని కచ్చితంగా చేసి తీరుతాడు అని దీని నుంచి మనం నేర్చుకోవాలి," అని వీడియో కింద రాసుకొచ్చాడు సౌరభ్​.

తన కుమారుడు.. ఫుడ్​ డెలివరీలో తనకు సాయం చేస్తాడని ఆ జొమాటో డెలివరీ బాయ్​ చెప్పుకొచ్చాడు. ఈ వీడియో.. కొన్ని గంటల్లోనే సామాజిక మాధ్యమాల్లో వైరల్​గా మారిపోయింది. ఈ వ్యవహారంపై జొమాటో కూడా స్పందించింది. "ఆ డెలివరీ బాయ్​ వివరాలను మాకు ప్రైవేటుగా షేర్​ చేయండి. మేము అతనికి సాయం చేస్తాము," అని జొమాటో కామెంట్​ చేసింది. బిడ్డలను మోస్తూ.. ప్రతి చోటకు తిరుగుతున్న జొమాటో డెలివరీ బాయ్​పై ఇప్పుడు సర్వత్రా ప్రసంశలు లభిస్తున్నాయి. 'రియల్​ హీరో అంటే నువ్వే', 'నీకు జోహార్లు' అంటూ నెటిజన్లు రియాక్ట్​ అవుతున్నారు.

 

 

 

View this post on Instagram

A post shared by Saurabh Panjwani (@foodclubbysaurabhpanjwani)

జొమాటో ప్రీమియం సేవలు పొందుతున్న యూజర్లకు అలర్ట్​! జొమాటో ప్రీమియం సేవలు నిలిచిపోయాయి. జొమాటో ప్రో, ప్రో ప్లస్​ను నిలిపివేస్తున్నట్టు ఆ సంస్థ సోమవారం వెల్లడించింది. 2020 ముందు వరకు జొమాటో 'గోల్డ్​' అందుబాటులో ఉండేది. దానిని అప్​గ్రేడ్​ చేసి.. జొమాటో ప్రోని 2020లో తీసుకొచ్చారు. "జొమాటో ప్రో/ ప్రో ప్లస్​ సేవలను రెన్యువెల్​ చేసుకోలేరు. ఈ సేవలను నిలిపివేస్తున్నాము. యూజర్లకు సరికొత్త అనుభూతిని తీసుకొచ్చే విధంగా.. మా సంస్థ కృషి చేస్తోంది. సరికొత్త అప్డేట్​తో మీ ముందుకొస్తాము," అని సంస్థ ప్రకటన చేసింది.