సీఎం అదేశాలతో.. బాలికను తంతూ ప‌రుగెత్తించిన‌ యువ‌కుడు అరెస్టు..

Posted: 05/23/2022 05:41 PM IST

పిల్లలు తమ స్నేహితుల ముందు హీరోలు అనిపించుకోవాలని విలన్ పనులు చేస్తుంటారు. అయితే అలాంటి పనులు చేయడంతో తన స్నేహితుల ముందు హీరో అటుంచితే.. తన రాష్ట్రమే కాదు యావత్ దేశం ఎదుట దోషిదా నిల్చున్నాడు. ఈ యువకుడి విషయంలో స్వయంగా ఆ రాష్ట్ర ముఖ్యమంత్రి పోలీసులకు వీడియోను రీట్విట్ చేసి.. చర్యలకు ఉపక్రమించాల్సిందిగా అదేశించడంతో ప్రస్తుతం ఆ యువ‌కుడు కటకటాల వెనక్కి నెట్టివేయబడ్డాడు. తాను చేస్తున్న పని ఏంటీ అన్న విఛక్షణ కోల్పోయిన బాలుడు.. స్నేహితుల గర్వంగా చెప్పుకునేలా చేయాలని ఏకంగా ప‌శువు కన్నా హీనంగా ప్ర‌వ‌ర్తించాడు.

సోషల్ మీడియాలో ఓ వీడియో వైరల్ అయ్యింది. ఈ వీడియో ఏకంగా జార్ఖండ్ ముఖ్యమంత్రి హేమంత్ సోరెన్ దృష్టికి చేరింది. దీంతో ఆయన ఈ వీడియోపై తక్షణం యాక్షన్ తీసుకోవాలని పోలీసులకు ఆ వీడియోను ఆదివారం రీట్విట్ చేశారు. దీంతో రంగంలోకి దిగిన పోలీసులు ఇవాళ బాలుడిని అదుపులోకి తీసుకున్నారు. కాగా వీరిద్దరి మధ్య ఈ వివాదానికి కారణం ప్రేమ వ్యవహారమేనని స్థానిక దుమ్కా డీఎస్పీ నూర్ ముస్తాఫా అన్సారీ తెలిపారు. ఈ సంరద్భంగా ముఖ్యమంత్రి ఇవాళ మళ్లీ తన ట్విట్టర్ ద్వారా అప్ డేట్ అందించారు. బాలుడ్ని పోలీసులు అదుపులోకి తీసుకున్నారని చెప్పారు.

అయితే బాలుడు స్థానికంగా 9వ తరగతి చదువుతున్నాడని, వీరిద్దరూ గిరిజన సామాజిక వర్గానికి చెందిన వారేనని, అయితే వీరిద్దరి మధ్య ప్రేమ వ్యవహారం నేపథ్యలో వివాదం తల్లెత్తిందని తెలిపారు. బాలుడ్ని జువైనల్ హోంకు తరలించనున్నామని తెలిపారు. కాగా పాకుర్ జిల్లా ఎస్సీ హర్ధీప్ జనార్థన్ ఈ ఘటనపై స్పందిస్తూ.. ఈ విషయంలో పోలీసుల దర్యాప్తు ఇంకా కొనసాగుతోందని అన్నారు, వివరాల్లోకి వెళ్తే.. ఓ బాలుడు త‌న ప్రేయ‌సిపై దారుణానికి పాల్ప‌డ్డాడు. పంట పొలాల్లోకి తీసుకెళ్లి ఆ బాలిక‌ను చిత్రహింస‌ల‌కు గురి చేశాడు. ఆ విద్యార్థినిని త‌న కాళ్ల‌తో ఘోరంగా తంతూ పరుగెత్తించాడు. ఈ ఘ‌ట‌న జార్ఖండ్‌లోని దుమ్కా జిల్లాలో వెలుగు చూసింది.

దుమ్కా జిల్లాకు చెందిన ఓ విద్యార్థిని.. 16 ఏండ్ల యువ‌కుడు గ‌త కొంత‌కాలంగా ప్రేమించుకుంటున్నారు. అయితే వీరిద్ద‌రి మ‌ధ్య మ‌న‌స్ప‌ర్థ‌లు తలెత్త‌డంతో.. ఆ బాలిక‌ను యువ‌కుడు పంట పొలాల్లోకి తీసుకెళ్లాడు. అక్క‌డ ఆమెపై విచక్ష‌ణార‌హితంగా దాడి చేశాడు. కాళ్లతో తంతూ ప‌రుగెత్తించాడు. బాధితురాలు కింద ప‌డిపోయినా క‌నిక‌రం చూప‌కుండా.. ఆమెపై విరుచుకుప‌డ్డాడు. ఈ ఘ‌ట‌న‌ను యువ‌కుడి స్నేహితులు రికార్డ్ చేసి సామాజిక మాధ్య‌మాల్లో వైర‌ల్ చేశారు. ఈ ఘ‌ట‌న 15 రోజుల క్రితం జ‌రిగిన‌ట్లు పోలీసులు నిర్ధారించారు.

.@pakurpolice कृपया उक्त मामले की जांच कर आरोपियों पर कार्यवाई करते हुए सूचित करें।@dcpakur @JharkhandPolice https://t.co/UO6W841jqB

— Hemant Soren (@HemantSorenJMM) May 22, 2022